'फुटबल खेल्दा लड्ने मेराे सानैदेखिकाे बानी हाे' : नेइमार

साउन १५, २०७५ मंगलबार ६:५६:९ | एजेन्सी

ब्राजिलियन प्रसिद्ध फुटबल खेलाडी नेइमार दा सिल्भा सान्तोस जुनियरले विश्वकपमा आफूमाथि लागेको ‘कृतिम अभिनय’बारेको आलोचना आफ्नो बाल्यकालदेखिको गुण भएको भनी प्रतिक्रिया दिएका छन् ।

नेइमारले भर्खरै रसियामा सम्पन्न भएको खेलमा ‘अस्वभाविक अभिनय’ गरेको भनी विश्वभर आएको आलोचनालाई सम्बोधन गर्दै उनले भने, ‘खुट्टाका नलीमा जुत्ताको चोटलाग्दा, मेरुदण्डमा ठक्कर लाग्दा, खुट्टामा विपक्षी साथीहरूको पैतालाले कुल्चिँदा म जमिनमा ढल्नु स्वभाविक हो ।’

‘पीडाका कारण जमिनमा म ढल्दा अस्वभाविक लागेको हुनसक्छ वा दर्शकले यसलाई अस्वभाविक अभिनय भन्नुभयो होला तर यो मेरो बाल्यकालदेखिकै बानी हो’ उनले एक टेलिभिजन कार्यक्रममा भनेका छन् ।

पेरिस सेन्ट जर्मनका फरवार्ड खेलाडी नेइमारले पोर्चुगाली भाषामा भने, “तपाईहरू सबैले सोच्नुहोला खेलका समय म धेरै नै लडेँ । तर वास्तवमा म लडेको हो, अभिनय गरेको होइन । हुनसक्छ, खेलका समय मैले शरीरलाई केही सन्तुलित पार्न सक्नुपथ्र्यो त्यो सक्दिन । यो मेरो स्वाभाव बनिसकेको छ ।”

उनको खुट्टाको गोलीगाँठोमा निकै ठूलो चोट लागेको छ र गएको फेब्रुवरीमा शल्यक्रिया नै गर्नुपरेको थियो । नेइमारले विश्वले गरेको आलोचनाले आफ्नो कमजोरी सच्चाउने अवसर मिल्ने धारणा व्यक्त गरे । उनले यसबाट ब्राजिलको फुटबल क्षेत्रलाई पनि सुध्रने अवसर प्राप्त हुने बताए ।

नेइमारले गएको हप्ता एएफपीलाई दिएको अन्तवार्तामा ब्राजिलको विश्वकपमा अनपेक्षित हारले आफूलाई कहिलेकाँही बललाई नहरौँ जस्तो लाग्ने गरेको वा अब फुटबल नै नखेलौँजस्तो लाग्ने गरेको खुलासा गरेका थिए ।

विश्वकप फुटबलमा खेलाडीको चर्चा धेरै कारणले हुने गरेको छ । धेरैजसोको चर्चा राम्रो खेलेको वा सोचेजस्तो खेल्न नसकेका कारण हुने गर्छ । गएको विश्वकपमा नेइमार मैदानमा देखाउने व्यवहारका कारण आलोचना र ब्यंग्यको विषय बन्न पुगेका थिए । सामान्य ट्याकलमा पनि मैदानमा लड्ने मात्र होइन अति नै पीडा भएको जस्तो गरि नाटक गर्ने गरेका कारण नेइमारबारे कतै ट्रोल बनाएर त कतै कार्टुन बनाएर उनको खिल्ली पनि उडाइएको छ ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्