डाक्टर केसी : चार दिन बझाङ अस्पतालमा सेवा दिएर बैतडीतर्फ

वैशाख ३०, २०७७ मंगलबार ६:५४:१९ | डीबी बिष्ट

बझाङ - वैशाख २५ गते बेलुका जिल्ला अस्पताल बझाङ पुगेका डाक्टर गोविन्द केसी त्यहाँबाट बैतडीतर्फ लाग्नुभएको छ ।

डडेल्धुराबाट जिल्ला अस्पताल पुगेका डाक्टर केसीले चार दिन जिल्ला अस्पतालमा बसेर सेवा दिनुभएको जिल्ला अस्पताल बझाङका कार्यालय प्रमुख डाक्टर सन्दिप ओखेडाले बताउनु भयो ।

डडेल्धुराबाट एम्बुलेन्समा लिफ्ट मागेर बझाङ पुगेका डाक्टर केसी सोमबार बिहान एम्बुलेन्समै लिफ्ट मागेर बैतडीतर्फ लाग्नुभएको डाक्टर ओखेडाले बताउनु भयो ।

डाक्टर केसी कैलालीतर्फ रिफर गरिएको बिरामी लगेको एम्बुलेन्समा खोड्पेसम्म जानुभएको उहाँले जानकारी दिनुभयो ।

डाक्टर ओखेडाका अनुसार डाक्टर केसी बझाङ पुगेको यो दोस्रो पटक हो । डाक्टर केसीले जिल्ला अस्पतालमा आएर ३ वटा अप्रेशन र एक सय जनाभन्दा बढी बिरामीहरुको जाँच गर्नु भएको छ ।

जिल्ला अस्प्तालमा डाक्टर केसी आएको जानकारी पाएपछि लकडाउनले सुनसान नबनेको जिल्ला अस्पतालमा उपचार गराउनेहरु बढेका थिए । सोमबार पनि थुप्रै बिरामीहरु फिर्ता भएका डाक्टर ओखेडाले बताउनु भयो ।

डाक्टर केसीले जिल्ला अस्पताल बझाङमाभन्दा बढी समस्या डडेल्धुरामा रहेको र त्यहाँ थुप्रै बिरामी पुग्ने भएकाले बैतडीमा २/३ दिन बसेर फेरि डडेल्धुरा नै पुग्ने जानकारी दिनुभयो ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

डीबी बिष्ट

डीबी बिष्ट बझाङका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्