दैलेखमा कोरोना सङ्क्रमण पुष्टि भएका युवक जिल्ला सदरमुकामको आइसोलेसनमा

जेठ ७, २०७७ बुधबार ७:४७:३६ | अमर सुनार

दैलेख – कोरोना भाइरस (कोभिड १९) सङ्क्रमण पुष्टि भएका आठबीस नगरपालिका–१ सात्तलाका ३५ वर्षीय युवकलाई जिल्ला सदरमुकामको आइसोलेसन वार्डमा राखिएको छ ।

आठबीस नगरपालिका–१ सात्तलास्थित लक्ष्मी मावि क्वारेण्टीनमा शनिबार नोजल स्वाव संकलन गरिएका ३९ जनामध्ये एक जनामा कोरोना पुष्टि भएको जानकारी पाएपछि स्वास्थ्य सेवा कार्यालयका कोभिड फोकल पर्सन थीरप्रसाद रेग्मीको नेतृत्वमा गएको टोलीले मंगलबार एम्बुलेन्समा ल्याएको हो ।

कञ्चनपुरको गड्डाचौकी हुँदै एउटै गाडीमा आएका ५३ जनामध्ये ४ जना बर्दिया झरेका, आठ जना दैलेखको ठाँटीकाँध, एक जना दुल्लू र एक जना चामुण्डाबिन्द्रासैनी नगरपालिकाका व्यक्तिहरु सोझै घरमै पुगेकामा यी युवकमा कोरोना पुष्टि भएपछि ती सबैलाई खोजी गरी आआफ्ना पालिकाका क्वरेण्टीनमा ल्याइएको दैलेखका सहायक प्रमुख जिल्ला अधिकारी इन्द्रबहादुर क्षेत्रीले जानकारी दिनुभयो ।

सङ्क्रमित युवालाई राखिने सरस्वती मावि तर्ताङ्गमा रहेको आइसोलेसन कक्षमा उपचारका लागि एक जना डाक्टर, दुई जना नर्स, स्वास्थ्यकर्मी र सुरक्षाकर्मी रहनेछन् ।

मंगलबार प्रेस विज्ञप्ति जारी गर्दै कर्णालीमै पहिलो कोरोना सङ्क्रमित दैलेखमा देखिए पनि सङ्क्रमण बढ्न नदिन स्थानीय सरकार, स्वास्थ्यकर्मी, सरोकारवाला सबैको तत्परता बढाउन र धैर्यतासँगै सुरक्षित रहन स्थानीयलाई सांसद पार्वती बिशुन्केले अनुरोध गर्नुभएको छ ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

अमर सुनार

दैलेखका उज्यालो सहकर्मी अमर सुनार मानवअधिकारको क्षेत्रमा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्