सुरु भयो जूम एकीकृत अनलाइन शिक्षा प्रवर्द्धन पोर्टल 'प्रिक्सा ओलिभ'

जेठ ७, २०७७ बुधबार २१:२:२९ | उज्यालो सहकर्मी

काठमाण्डौ – प्रिक्सा टेक्नोलोजीले 'प्रिक्सा ओलिभ' नामक नयाँ शिक्षा व्यवस्थापन प्रणाली सुरु गरेको छ ।

प्रिक्साले यस सफ्टवेयरको सुरुवातसँगै साइन अप गर्ने पहिलो दुई सय स्कुल, कलेज, विश्वविद्यालय तथा तालिम केन्द्रजस्ता सङ्घसंस्थाको लागि निःशुल्क सुविधाहरु उपलब्ध गराउने जानकारी दिएको छ ।

प्रिक्सा ओलिभ एक शक्तिशाली र सहज शिक्षा व्यवस्थापन प्रणाली भएको र यस सफ्टवेयरले ठूला-ठूला पाठ्यक्रम र त्यसमा संलग्न ठूला-समूहहरु सजिलै आत्मसाथ गर्न सकिने प्रिक्साले जनाएको छ ।

यो सफ्टवेयर निम्न माविदेखि स्नातकोत्तर तहसम्मका पठनपाठनमा सजिलै प्रयोग गर्न सकिने प्रिक्सा टेक्नोलोजीले जनाएको छ । यस सफ्टवेयरमा अहिले लोकप्रिय बनेको भिडियो कन्फरेसी प्लेटफर्म जूम पनि समावेश गरिएको छ।

प्रिक्सा टेक्नोलोजीका प्रमुख कार्यकारी अधिकृत मनिष शर्माका अनुसार यो प्रणाली नेपाली शिक्षणशैली समायोजित गर्न डिजाइन गरिएको हो । यो एक सहज ज्ञानयुक्त सफ्टवेर भएको तथा यसले शिक्षकलाई उनीहरूको आवश्यकता अनुसार पाठ्यक्रम सिर्जना गर्न र मध्यम गर्न स्वतन्त्रता दिने शर्माले बताउनुभयो ।

सफ्टवेयरबाट विद्यार्थीले कक्षामा ध्यान दिए नदिएको जाँच गर्न बहुवैकल्पिक प्रश्नहरुमार्फत कक्षाको प्रभावकारिता मापन गर्न सकिने उहाँले बताउनुभयो ।

शर्मा भन्नुहुन्छ, ‘शिक्षकहरूले यस प्रणालीमार्फत निर्धारित समयमा मात्र पनि प्रश्न अनुसूची गर्न सक्दछन् । विद्यार्थीहरुले तोकिएको समयमा मात्र हेर्न र परीक्षा दिन पाउनेछन् । यसले शिक्षकलाई पनि विद्यार्थीको ग्रेड पहिचान गर्न लाभ पुर्‍याउँछ ।’

यस सफ्टवेयरको युजर इन्टरफेस निकै मैत्रीपूर्ण र नेभिगेसन गर्न धेरै सजिलो भएकाे बताइएकाे छ । यस सफ्टवेयरले शिक्षकलाई पाठ्यक्रम सिर्जना गरेर, विद्यार्थीहरुलाई आमन्त्रण गरी, आवश्यकता अनुसार समूह बनाएर र पाठ्य सामग्रीको पहुँच दिइ सजिलै घरबाटै पठनपाठन अगाडि बढाउन मद्दत गर्दछ ।

यस सफ्टवेयरले अहिलेको कठिन परिस्थितिमा शैक्षिक क्षेत्रमा ठूलो योगदान पुर्‍याउने विश्वास प्रिक्साले लिएको छ । यस अत्याधुनिक सफ्टवेयरको बारेमा अधिक जानकारी र नि:शुल्क प्रमोशनल इजाजतपत्र दाबी गर्न चाहनेहरूले https://olive.prixa.net/olive/signup मा जानुहोला ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्