बाँकेमा थप २० जना कोरोना सङ्क्रमित उपचारपछि डिस्चार्ज

जेठ २६, २०७७ सोमबार १४:२८:२७ | गोविन्द शर्मा

बाँके - बाँकेमा थप २० जना कोरोना सङ्क्रमित उपचारपछि सोमबार घर फर्किएका छन ।

जिल्ला स्वास्थ्य कार्यालय बाँकेकाअनुसार कृषि तालिम केन्द्र, खजुराको आइसोलेसनबाट सोमबार नरैनापुर १ का १ जना, वडा नं ४ का ३ जना , वडा नं ३ का १६ जना गरी २० जना पुरुषहरु उपचारपछि निको भई डिस्चार्ज भएका हुन्।

कोहलपुर पिपिरीको कृषि विकास बैंकको आइसोलेसनमा बसिरहेकामध्ये केहीलाई पनि आजै डिस्चार्ज गरिने भएको छ । बाँकेमा एकजना मृतकसहित २ सय ७१ जनामा सङ्क्रमण देखिएकोमा अहिलेसम्म ६९ जना उपचारपछि सञ्चो भई डिस्चार्ज भएका छन् ।

यसैबीच कोरोना विशेष अस्पताल बेलझुण्डी दाङबाट आइतबार डिस्चार्ज गरिएका बाँके नरैनापुरका तीनजनालाई सोमबार नेपालगञ्जको लायन्स डेन्टल अस्पतालको आइसोलेसनमा राखिएको छ ।

कोरोना परीक्षणमा पोजिटिभ आएपनि अस्पतालबाट डिस्चार्ज गरिएका उनीहरु गाउँमा पुगेपछि स्थानीयले विरोध जनाएका थिए । बाँकेका प्रमुख जिल्ला अधिकारी रामबहादुर कुरुम्बाङको निर्देशनपछि तीनजनालाई पुनः आइसालेसनमा राखिएको हो ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

गोविन्द शर्मा

गोविन्द शर्मा बाँकेका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्