म राजनीति गर्न र फाेटाे झुण्ड्याउन महासङ्घकाे नेतृत्वमा आएकाे हाेइन : शेखर गाेल्छा

असार ३१, २०७७ बुधबार १२:५९:५७ | उज्यालो सहकर्मी

काठमाण्डाै – नेपाल उद्योग वाणिज्य महासङ्घका वरिष्ठ उपाध्यक्ष शेखर गोल्छाले राजनीति गर्न र फोटो झुण्ड्याउन मात्र महासङ्घको नेतृत्वमा नआएको बताउनुभएको छ ।

महासङ्घको चुनावकाे लागि किशोर प्रधान समूहको उम्मेदवारी घोषणा समारोहमा बोल्दै वरिष्ठ उपाध्यक्ष गोल्छाले आफू राजनीति गर्न र फोटो झुण्ड्याउन नभइ काम गर्न महासङ्घको नेतृत्वमा आएको बताउनुभएको हो । गोल्छाले महासङ्घ आफ्नो पुर्खा, पूर्वअध्यक्षहरु र सबै पदाधिकारीहरुको रगत पसिनाबाट बनेकाेले त्यसलाई अझ बलियो बनाउन आफूले काम गर्ने प्रस्ट पार्नुभयो ।

उहाँले भन्नुभयो, ‘मेरो नीति स्पष्ट छ । यसको लागि मलाई टिम चाहिन्छ । साथीहरुलाई विनम्र अनुरोध गर्छु, राजनीति गर्नको लागि र फोटो झुण्ड्याउनको लागि म यहाँ आएको होइन । म केही काम गर्नको लागि आएको छु । यो सङ्गठन जसमा मेरो बाउबाजेको रगत पसिना छ, पूर्वअध्यक्षहरुको रगत पसिना छ, मेरो दाइहरुको रगत पसिना छ र सबै पदाधिकारीहरुको रगत पसिना छ । यो सङ्गठनलाई म अझ बलियो बनाउनको लागि आएको हो । फोटो झुण्ड्याउनकाे लागि आएको होइन है साथीहरु ।’

अहिले पनि केही व्यक्तिहरुले ६ महिनामा अविश्वासको प्रस्ताव ल्याएर हटाउने चेनावनी दिइरहेकोले महासङ्घभित्र भइरहेको गतिविधिमा सचेत हुनुपर्ने अवस्था आएको गोल्छाले बताउनुभयो । उहाँले राम्रो काम गर्नकाे लागि बलियो टिम आवश्यक रहेकोले सबै मिलेर महासङ्घलाई बलियो बनाउनुपर्नेमा जोड दिनुभयो ।

उहाँले कोभिड–१९ ले असर पारेको अर्थतन्त्रलाई माथि उकास्न आफ्नो टिमलाई चुनौती रहेको समेत बताउनुभयो । उहाँले भन्नुभयाे, ‘यस्तो समयमा म अध्यक्ष बन्दैछु । हाम्रो अर्थतन्त्रमा सायद योभन्दा ठूलो गम्भीर घडी पहिला कहिले पनि थिएन । हाम्रो अर्थतन्त्र यति कमजोर कहिले पनि थिएन । म अब देशको वाणिज्य महासङ्घ जुन नेपालको निजी क्षेत्रको छाता सङ्गठन हो र नेपालको निजी क्षेत्रको एकमात्र आस्थाको केन्द्र हो र मैले के गर्ने भनेर मेरो बाटो खुलस्त छ । मैले उद्योग वाणिज्य महासङ्घमा सबैभन्दा पहिला यो अर्थतन्त्रमा कोभिड–१९ ले पारेको असर असरलाई निर्मूल गरेर अर्थतन्त्रलाई फेरि चलायमान गर्नुपर्ने मेरो बाटो प्रस्ट रुपमा मैले देखेको छु ।’

महासङ्घको नेतृत्वमा गएपछि के काम गर्ने भन्ने विषयमा आफूले गृहकार्य गरिरहेको र छिट्टै रोडम्याप बनाइ सार्वजनिक गर्ने बताउनुभयो । उहाँले नयाँ मार्गदर्शन तयार गरेर सबैलाई साथ लिएर अगाडि बढ्ने प्रतिबद्धतासमेत जनाउनुभयो । महासङ्घभित्र काम गर्न गाह्रो भएको र आफू अध्यक्षको रुपमा निजी क्षेत्रको बाटो तय गर्नुपर्ने भएकाेले बलियो टिमको आवश्यकता रहेको बताउनुभयो । उहाँले आफूलाई अहिलेसम्म सहयोग गर्ने र असहयोग गर्ने सबैलाई धन्यवाद दिँदै अझै पनि केही व्यक्तिहरुकाे कारण महासङ्घमा बसेर काम गर्न चुनौती रहेको बताउनुभयो ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्