साढे पाँच सय वर्ष पुराना तीन थान चित्रकला अमेरिकाबाट फिर्ता ...
फागुन २८, २०८१ बुधबार
काठमाण्डौ – निजी विद्यालय सञ्चालकले एक हप्तादेखि रोकिएको अनलाइन कक्षा बिहीबारदेखि फेरि सुरु गर्ने भएका छन् ।
सरकारले आफ्ना माग सुनुवाइ नगरेको भन्दै साउन १ गतेदेखि अनलाइन कक्षा बन्द गरेर शिक्षकलाई बेतलबी बिदा दिएका निजी विद्यालयको सङ्गठन प्याब्सन र एनप्याब्सनले बिहीबारदेखि फेरि कक्षा सुरु गर्ने निर्णय गरेका हुन् ।
आफूहरुलाई सहुलियत ऋण नदिएको र शुल्क उठाउन पनि कठिनाइ हुँदा शिक्षकको तलब सुविधा दिन नसकिएकाले गएको असार ३१ गते निजी तथा आवासीय विद्यालयका छाता संस्थाले विज्ञप्ति जारी गरी शिक्षकलाई बेतलबी बिदा दिइ यही साउन १ गतेदेखि अनलाइन कक्षा स्थगित गरेका थिए ।
प्याब्सन, एन प्याब्सन, इस्टु, अभिभावक सङ्घलगायतको संयुक्त बैठकले बिहीबारदेखि अनलाइन कक्षा फेरि सुरु गर्ने र भदौ १ गतेदेखि मात्र हुने भनिएको भर्ना कार्यक्रममा फेरि विचार गर्न सरकारसँग माग गरेका छन् । निजी विद्यालय सञ्चालकले वैकल्पिक शिक्षण सिकाइ रोके पनि सरकारले भने रेडियो, टेलिभिजन र युट्युब च्यानलबाट विद्यार्थीलाई पढाइरहेको छ ।
शिक्षा, विज्ञान तथा प्रविधि मन्त्रालयले विद्यालय फेरि सञ्चालनको कार्यविधि तयारीसहित सरोकार पक्षसँग बुधबार छलफल गरेपछि प्याब्सन, एनप्याब्सन, नेपाल शिक्षक महासङ्घ, संस्थागत विद्यालय शिक्षक युनियन र अभिभावक महासङ्घसँग परामर्श गरेको थियो ।
शिक्षक र अभिभावकले पनि निजी विद्यालयलाई अनलाइन कक्षा नरोक्न दबाब दिएका थिए । सरकारले जारी गरेको वैकल्पिक प्रणालीको सिकाइ सहजीकरण निर्देशिका, २०७७ को कार्यान्वयनका लागि गएको असार १ गतेदेखि सबै विद्यालयमा वैकल्पिक प्रणालीबाट पढाइ भइरहेको छ ।
उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।