बलात्कारका आरोपीले गरे हिरासतमै आत्महत्याको प्रयास

साउन २१, २०७५ सोमबार १७:२६:९ | राजु लामिछाने

रुकुम पश्चिम – एक युवतीलाई बलात्कार गरेको आरोपमा रुकुम पश्चिममा दुई युवकलाई प्रहरीले पक्राउ गरेको छ ।

आठबीसकोट नगरपालिका–९, की २० वर्षकी एक युवतीलाई बलात्कार गरेको आरोपमा त्यसै ठाउँका १७ वर्षका भीमबहादुर बटाला र १६ वर्षका दीपक बुढाथोकीलाई पक्राउ गरिएको जिल्ला प्रहरी प्रमुख तथा प्रहरी नायव उपरीक्षक सुमित खड्काले बताउनुभयो ।

दुई युवाले साउन–१७, गते साँझ बलात्कार गरेको भन्दै युवतीले इलाका प्रहरी कार्यालय आठबीसकोटमा निवेदन दिएको र १८ गते उनीहरुलाई पक्राउ गरिएको डीएसपी खड्काले जानकारी दिनुभयोे ।

आरोपित दुवैलाई १९ गते जिल्ला प्रहरी कार्यालय २० गते मुद्धा दर्ता गरी जिल्ला अदालतबाट सातदिनको म्याद थप गरेर अनुसन्धान भैरहेको उहाँको भनाई छ ।

यस्तै आरोपित मध्येका दीपक बुढाथोकीले हिरासतमै आत्महत्याको प्रयास गरेको प्रहरीले जनाएको छ । बुढाथोकीले आइतबार हिरासतको शौचालयमा आत्महत्याको प्रयास गरेको र डिउटीमा रहेका प्रहरीले थाहा पाएपछि तुरुन्तै उद्धार गरेको बताइएको छ ।

धाराको टुटीमा आफूले लगाएको टिसर्टले झुण्डिएर आत्महत्याको प्रयास गरेका बुढाथोकीलाई तत्काल उपचारका लागि जिल्ला अस्पताल सल्लेमा लगिएको डीएसपी खड्काले जानकारी दिनुभयो ।

बुढाथोकीलाई थप उपचारका लागि शिक्षण अस्पताल कोहलपुरमा पठाइएको समेत उहाँले बताउनुभयो ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

राजु लामिछाने

राजु लामिछाने रुकुमका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्