डाेटी : असिनाले तरकारी बालीमा क्षति

पुष २३, २०७७ बिहीबार १७:१५:५६ | विमल बिष्ट

डोटी – डोटीका विभिन्न क्षेत्रमा परेको असिनाले तरकारी बालीमा क्षति पुर्‍याएकाे छ । डोटीका आदर्श, सायल, पूर्वीचौकी, जोरायल गाउँपालिका, शिखर नगरपालिका तथा दिपायल सिलगढी नगरपालिका विभिन्न वडामा मङ्गलबार र बुधबार परेको असिनाका कारण फुलेर कोसा लाग्ने अवस्थामा रहेका तोरी तथा तरकारीमा क्षति पुगेकाे छ ।

असिनाले गरेको क्षतिका बारेमा विवरण सङ्कलन गरिदिन सम्बन्धित निकायलाई आग्रह गरिएको केआईसिंह गाउँपालिकाका किसान शेरबहादुर ऐरले बताउनुभयो ।

उहाँले भन्नुभयो, ‘वर्षाले बाली त सप्रिने आशा थियो तर असिनाले तरकारी र तोरी खेतीमा क्षति पुर्‍याएकाे छ, क्षतिको विवरण सङ्कलन गर्न माग गरेका छौँ ।’

मौसममा आएको बदलीका कारण मङ्गलबार र बुधबार डोटीलगायत अन्य पहाडी तथा हिमाली जिल्लामा हल्का हिमपातसँगै असिना परेको थियो । सुदूरपश्चिमको प्रमुख पर्यटकीय स्थल खप्तडमा मात्रै कम्तीमा एक फिट जति हिउँ परेको त्यहाँ तैनाथ रहेको नेपाली सेनाको गुरुगोरख गुल्मले जनाएको छ ।

जिल्ला प्रहरी कार्यालय डोटीका प्रहरी नायब उपरीक्षक (डीएसपी) तथा सूचना अधिकारी इन्द्रबहादुर मल्लले उच्च लेकाली भेग र खप्तडमा हल्का हिमपात भएको र क्षतिको विवरण नआइसकेको बताउनुभयो ।

बुधबारसम्म असिना र उच्च लेकाली क्षेत्रमा हल्का हिउँ परे पनि बिहीबारदेखि डोटीसहित पहाडी जिल्लामा घाम लाग्नुका साथै मौसममा सुधार भएको सुदूरपश्चिम क्षेत्रीय प्रहरी कार्यालय दिपायलको सञ्चार शाखाले जनाएको छ ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

विमल बिष्ट

विमल बिष्ट डोटीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्