नेविसंघका नेता ‘कुट्ने’ पूर्व सांसद आफै अस्पताल भर्ना !

भदौ ४, २०७५ सोमबार १९:३८:५२ | गोविन्द शर्मा

बाँके – नेविसंघका नेता चन्द्रप्रकाश देवकोटालाई कुटेका आरोप लागेका पूर्व सांसद मैकुलाल बाल्मिकी आफै उपचारका लागि भेरी अञ्चल अस्पताल पुग्नुभएको छ ।

आफू निकट कांग्रेसका नेतासहित बाल्मीकी सोमबार साँझ उपचारका लागि अस्पताल पुग्नुभएको हो । नेविसंघका महेन्द्र बहुमुखी क्याम्पस इकाईका कार्यबाहक सभापति देवकोटालाई पूर्व सांसद बाल्मीकी सञ्चालक रहेको नेपालगञ्ज हेल्थ कलेजमा कुटिएका थिए ।

विद्यार्थी संगठनले राखेका मागबारे क्याम्पसमा वार्ताका लागि बोलाएर विद्यार्थी नेतालाई कुटपिट गरेको आरोप पूर्व सांसद बाल्मिकीलाई लगाइएको छ । क्याम्पस सञ्चालक समेत रहेका संविधानसभाका सदस्य बाल्मिकीले भने आफूले कसैलाई कुटपिट नगरेको बताउनुभएको छ । उहाँले त्यो नेपाली कांग्रेसको गुटगत विवाद भएको दाबी गर्नुभयो ।

‘उहाँहरु कोइराला पक्षको’, बाल्मिकीले भन्नुभयो, ‘म देउवा पक्षको, सामान्य विवाद भएको हो, अस्पताल भर्ना भएर नाटक गरेका छन् ।’

उहाँले आफू सुगरको बिरामी भएको र रगत आउन नरोकिएको समेत बताउनुभयो । मुटु सम्बन्धी समस्या देखिएको भन्दै साँझ उहाँ अस्पताल पुग्नुभएको हो ।

अछामको पञ्चदेवल विनायक नगरपालिका–४, का राजेन्द्र बडुवालले २०७३ असोजमा नेपालगञ्ज हेल्थ कलेजमा ल्याब असिस्टेन्टमा भर्ना भइ एकवर्ष अध्ययन गरेपछि वार्षिक परीक्षाबाट बञ्चित गरिएको भन्दै नेपाल विद्यार्थी संघ सीटीईभीटी केन्द्रीय समन्वय समिति र प्रदेश समितिले गएको साउन ३१ गते क्याम्पसमा तालाबन्दी गरेको थियो ।

विद्यार्थीलाई वार्षिक परीक्षामा सामेल गराउन पटक–पटक आग्रह गर्दा पनि संचालक बाल्मिकीले विद्यार्थीको फर्म नबुझेको र कुटपिटमा उत्रिएको नेविसंघको दाबी छ ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

गोविन्द शर्मा

गोविन्द शर्मा बाँकेका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्