तमिलकी छोरी, नेपालकी बुहारी (भिडियो कथा)

भदौ ९, २०७५ शनिबार ११:२४:५४ | रीतु थेबे

काठमाडौं – तमिल मूलकी सेल्भीका प्रेमी थिए, मोरङको उर्लाबारी नगरपालिका –३, थापा चौकका विक्रम बोहोरा । सेल्भी र विक्रम भेटको सुरुवातमा मलाया भाषामा कुराकानी गर्थे ।

प्रेम झाँगिदै गएपछि दुवैले एक अर्काका भाषा सिक्न जरुरी ठाने र सिके । अहिले विक्रम तमिल र सेल्भी नेपाली भाषामा फरर्र कुराकानी गर्न सक्छन् ।

विक्रमले मलेसियालाई कर्मथलो बनाएको १४ वर्ष भयो । सुरुमा उहाँ लेबरको भिसामा एयर कण्डिसन बनाउने उद्योगमा काम गर्न जानु भएको थियो । त्यो उद्योग थियो, मलेसियाको सेलेङगर राज्यस्थित काजाङमा । हो त्यसैबेला भेट भएको थियो, स्थानीय सेल्भीसित । सेल्भी त्यसबेला शिक्षिका हुनुहुन्थ्यो ।

विक्रम बस्ने लेबर क्याम्प र सेल्भीको घर नजिकै थियो । दुई चार दिनको देखादेखपछि कुराकानी हुन थाल्यो । सुरुमा साथीका रुपमा विक्रम सेल्भीको घरमा आउजाउ गर्नुहुन्थ्यो । जतिबेला उहाँहरुबीच परिचय साटियो, त्यसबेला सेल्भीकी आमा बिमारले थलिएर ओछ्यानमा हुनुहुन्थ्यो ।

बिरामी हुँदा विक्रमले सहयोग गर्न थालेपछि सेल्भीकी आमा पनि छोरी र विक्रमबीचको सम्बन्धमा सकारात्मक बन्नुभयो । अन्ततः उनीहरुले परिवारकै सहमतिमा बिहे गरे ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।