सर्वाेच्चकाे फैसलाकाे विराेधमा एमालेले नागरिकमाझ बहस सिर्जना गर्ने

साउन १, २०७८ शुक्रबार १८:२८:६ | उज्यालो सहकर्मी

काठमाण्डाै – नेकपा एमालेले सर्वाेच्चकाे फैसलाकाे विराेधमा एमालेले नागरिकमाझ बहस सिर्जना गर्ने भएकाे छ । शुक्रवार सङ्घीय संसद् भवनकाे ल्होत्से हलमा बसेको नेकपा एमालेको संसदीय दलको बैठकले सर्वोच्च अदालतले देशलाई निर्दलीय व्यवस्थातर्फ लैजाने गरी फैसला गरेको भन्दै त्यसका विरुद्ध भन्डाफाेर अभियान सञ्चालन गर्ने निर्णय गरेको हो ।

सर्वोच्च अदालतले संविधानको अपव्याख्या गरेर र दलीय व्यवस्थाको उपहास गरेर देशलाई निर्दलीयतातर्फ लैजान खोजिएकाले संसदीय दलको बैठकले आपत्ति जनाएको एमालेका प्रमुख सचेतक विशाल भट्टराईले बताउनुभयो । सर्वोच्चको फैसलाको विरोधमा देशभर भन्डाफाेर गर्ने निष्कर्ष निकालिएको उहाँले बताउनुभयो ।

प्रमुख सचेतक भट्टराईले भन्नुभयो, ‘सम्मानित सर्वोच्च अदालतको तर्फबाट संविधानको धारा/उपधाराको अपव्याख्या गरेर जसरी जनादेशलाई पूर्ण रूपमा इन्कार गरेर, लोकतन्त्रलाई उपहास गरेर, दलीय व्यवस्थाको उपहास गरेर जसरी एउटा फैसला गरियो । निर्दलीय व्यवस्थातर्फ देशलाई अग्रसर गराउने गरी जुन फैसला गरियो, त्यसप्रति हाम्रो यो बैठकले आपत्ति व्यक्त गरेको छ र यसलाई व्यापक रूपमा जनताका बीचमा भन्डाफोर गर्ने हामीले निष्कर्ष निकालेका छौँ । ’

बैठकले ओली नेतृत्वको सरकारले बाढी–पहिरो पीडित घाइतेलाई निःशुल्क उपचार गर्ने घोषणा गरेको भन्दै वर्तमान सरकारसँग घाइतेको निःशुल्क उपचार गर्न माग पनि गरेको छ ।

अन्तिम अपडेट: माघ १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्