गएको आर्थिक वर्षमा तीन सय ८६ उद्योग दर्ता, झन्डै १८ हजारले रोजगारी पाउने

साउन १०, २०७८ आइतबार १४:२६:३७ | उज्यालो सहकर्मी

काठमाण्डाै – गएको आर्थिक वर्षमा नेपालमा तीन सय ८६ वटा उद्योग दर्ता भएका छन् । स्वदेशी र विदेशी गरी एक खर्ब ८८ अर्ब रुपैयाँ लगानीका तीन सय ८६ वटा उद्योग दर्ता भएको उद्योग विभागले जनाएको छ ।

यसमध्ये एक खर्ब ५६ अर्ब रुपैयाँ स्वदेशी लगानीका दुई सय तीन वटा उद्योग दर्ता भएका छन् । उद्योग विभागको तथ्याङ्कअनुसार ११ हजार आठ सय ८३ जनालाई रोजगारी दिने गरी एक खर्ब ५६ अर्ब रुपैयाँको स्वदेशी लगानीका साना, मझौला र ठूला उद्योग दर्ता भएका हुन् ।

यस्तै गएको वर्ष ३२ अर्ब दुई करोड रुपैयाँको विदेशी लगानी स्वीकृत भएको छ । एक सय ८३ वटा उद्योगका लागि ३२ अर्ब रुपैयाँभन्दा धेरैको वैदेशिक लगानी स्वीकृत भएको हो । वैदेशिक लगानीबाट एक सय ७१ साना उद्योग, ६ वटा मझौला र ६ वटा ठूला उद्योग दर्ता भएको विभागले जनाएको छ ।

विदेशी लगानी स्वीकृत गर्दा पाँच हजार आठ सय ३३ जनालाई रोजगारी मिल्ने उद्योग विभागले जनाएको छ । समग्रमा गएकाे वर्ष स्वदेशी र विदेशी लगानीमा दर्ता भएका उद्योगबाट १७ हजार सात सय १६ जनाले रोजगारी पाउनेछन् ।

आर्थिक वर्ष २०७६/०७७ को तुलनामा गएकाे वर्ष ७४ वटा स्वदेशी उद्योग र ३८ वटा विदेशी लगानीका उद्योग दर्तामा कमी देखिएको छ ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

गएको आर्थिक वर्षमा तीन सय ८६ उद्योग दर्ता, झन्डै १८ हजारले रोजगारी पाउने

उद्याेग विभाग

तपाईको प्रतिक्रिया