बाल विकास सहजकर्ता र विद्यालय कर्मचारीले नगरपालिका र वडा कार्यालयमा ताला लगाए

साउन १४, २०७८ बिहीबार १६:०:५७ | जयराज अवस्थी

बैतडी – बाल विकास सहजकर्ता र विद्यालय कर्मचारीले बैतडीको पुर्चाैडी नगरपालिका र सबै वडा कार्यालयमा तालाबन्दी गरेका छन् । नेपाल सरकारले बजेट भाषणमार्फत बाल विकास सहजकर्ता र विद्यालय कर्मचारीको तलब १५ हजार रुपैयाँ पुर्‍याउने घोषणा गरेको भए पनि नगरपालिकाले कार्यान्वयन नगरेको भन्दै तालाबन्दी गरिएको हो ।

नगरपालिका र १० वटै वडा कार्यालयमा तालाबन्दी गरिएको र आफ्ना माग पूरा नहुँदासम्म ताला नखुल्ने लटिनाथ आधारभूत सलेली गाउँमा कार्यरत बाल विकास सहजकर्ता द्रोपती खत्रीले बताउनुभयो । ‘हामी लामो समयदेखि कम तलबमा काम गर्दै आइरहेका छौँ । नेपाल सरकारले बजेट भाषणमार्फत तलब बढाउने घोषणा गरेको छ तर हाम्रो नगरपालिकाले तलब बढाएको छैन । त्यसैले हामीले नगरपालिका र वडा कार्यालयमा तालाबन्दी गरेका हौँ’, उहाँले भन्नुभयो ।

यसअघि विद्यालय कर्मचारी र बाल विकास सहजकर्ताहरूले तलब बढाउनुपर्ने माग गर्दै नगरपालिकामा ज्ञापन पत्र बुझाएको भए पनि सुनुवाइ नभएपछि तालाबन्दी गरिएको खत्रीले बताउनुभयो ।

बाल विकास सहजकर्ता र विद्यालय कर्मचारीहरूले नगरपालिका र वडा कार्यालयमा तालाबन्दी गरेको भए पनि जिम्मेवार प्रतिनिधि नहुँदा छलफलसमेत हुन सकेको छैन ।

नगरपालिकाका मेयर र उपमेयर काठमाण्डौमा छन् भने कार्यालय प्रमुख पनि बाहिर रहेको बताइएको छ । नगरपालिका र वडा कार्यालयमा तालाबन्दी गरेको कुरा जानकारीमा आएको र तत्कालका लागि ताला खोल्न आग्रह गरिएको उपमेयर जानकी ऐर बमले बताउनुभयो ।

विद्यालय कर्मचारी र बाल विकास सहजकर्ताको मागका विषयमा कार्यपालिकाको बैठकमा छलफल गरिने उहाँको भनाइ ५ । उहाँले भन्नुभयो, ‘नगरपालिकाले चालु आर्थिक वर्षमा दुई हजारका दरले बाल विकास सहजकर्ताको तलब बढाउने निर्णय गरेको छ । उनीहरूको माग १५ हजार पुर्याउनुपर्ने भन्ने छ । यो विषयमा छलफल गरेर टुङ्गाेमा पुगिन्छ ।

पुर्चाैडी नगरपालिकामा बाल विकास सहजकर्ता र विद्यालय कर्मचारीको सङ्ख्या एक सय ५१ छ ।

बाल विकास सहजकर्ता र विद्यालय कर्मचारीहरुले बैतडीको पुर्चौडी नगरपालिका र सबै वडा कार्यालयमा तालाबन्दी गरेका छन् ।

अन्तिम अपडेट: कात्तिक २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

जयराज अवस्थी

जयराज अवस्थी बैतडीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्