राजविराज नगरपालिकाका जनप्रतिनिधिले दुई महिनामै साढे २६ लाख रुपैयाँ भत्ता बुझे

साउन १४, २०७८ बिहीबार १९:३४:४७ | शुभनारायण यादव

सप्तरी – सप्तरीको राजविराज नगरपालिकाका जनप्रतिनिधिले दुई महिनामै सुविधा र भत्ताबापत २६ लाख रुपैयाँभन्दा बढी रकम बुझेकाे पाइएको छ ।

नगरपालिकाको तथ्याङ्कअनुसार गएकाे चैत र वैशाख महिनामा जनप्रतिनिधिले सुविधा र भत्ताबापत २६ लाख ५० हजार दुई सय ३० रुपैयाँ बुझेका हुन् । यसमा नगरपालिकाका मेयर शम्भुप्रसाद यादवले ६६ हजार तीन सय ३० रुपैयाँ र उपमेयर साधना झाले ६७ हजार तीन सय २० रुपैयाँ बुझेका छन् ।

यसैगरी वडा नं १ का वडाध्यक्ष चन्द्रशेखर चौधरीले ३३ हजार ६ सय ६०, २ का वडाध्यक्ष अरुणकुमार यादवले ५४ हजार चार सय ५० रुपैयाँ बुझेका छन् ।

यस्तै ३ का वडाध्यक्ष सुदर्शनप्रसाद सिंह, ४ का वडाध्यक्ष अख्तर अलि मियाँ र ५ का वडाध्यक्ष समिर झाले समान ३३ हजार ६ सय ६० रुपैयाँ सुविधा र भत्ताबापत बुझेका छन् ।

यसैगरी ६ का वडाध्यक्ष प्रेमकुमार यादवले ३३ हजार ६ सय ६०, ७ का वडाध्यक्ष मागिलाल नाईले ४७ हजार सात सय २०, ८ का वडाध्यक्ष जयनारायण मण्डलले ४७ हजार पाँच सय २०, ९ का वडाध्यक्ष शम्भुप्रसाद यादवले ४२ हजार पाँच सय ७०, १० का वडाध्यक्ष सुशीलकुमार दासले ३३ हजार ६ सय ६० रुपैयाँ बुझेका छन् ।

यसैगरी ११ का वडाध्यक्ष संजयकुमार यादव र १२ का वडाध्यक्ष हरिहर यादवले समान ३३ हजार ६ सय ६०, १३ का वडाध्यक्ष राजेन्द्र प्रसाद यादवले ४७ हजार पाँच सय २० रुपैयाँ बुझेका छन् । यस्तै १४ का वडाध्यक्ष शोभा लाल मण्डल, १५ का वडाध्यक्ष राम प्रसाद यादव र १६ का वडाध्यक्ष बुचाई दासले ३३ हजार ६ सय ६० रुपैयाँ बुझेका हुन् ।

नगरपालिकाका प्रमुख प्रशासकीय अधिकृत मदनकुमार थापाले प्रदेश सरकारले तोकेको बमोजिम जनप्रतिनिधिहरूले सुविधा र भत्ता पाएको बताउनुभयो । अधिकृत थापाले यसमा अतिथि सत्कारदेखि पत्रपत्रिका खर्चबापतको सुविधा र भत्ता रहेको बताउनुभयो ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

शुभनारायण यादव

शुभनारायण यादव सप्तरीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्