अमेरिकामा पहिलो पटक कोरोनाविरुद्धको बुस्टर डोजलाई अनुमति

साउन २९, २०७८ शुक्रबार १२:४०:५२ | उज्यालो सहकर्मी

काठमाण्डाै - अमेरिकाले कोरोनाविरुद्धको बुस्टर डोज अर्थात तेस्रो मात्रालाई अनुमति दिएको छ ।

अमेरिकाको फुड एण्ड ड्रग एडमिनिस्ट्रेशन एफडीएले बुस्टर डोजलाई अनुमति दिएको हो । योसँगै मिर्गौला प्रत्यारोपण गरेका र क्यान्सरका बिरामीसँगै एक करोड नागरिक लाभान्वित हुने अनुमान छ ।

अमेरिकाका स्वास्थ्य अधिकारीले पहिलो पटक कोरोनासँग लड्न बुस्टर डोज आवश्यक पर्ने बताएका हुन् । आज बुस्टर डोजका विषयमा त्यहाँको रोग नियन्त्रण तथा रोकथाम केन्द्रमा आज छलफल हुनेछ । त्यसपछि अनुमति पाए खोपलाई वितरण गरिने बीबीसीले जनाएको छ ।

विज्ञले मोर्डना र फाइजरको दुई डोज र जोनसन एण्ड जोनसनको एक डोजको खोप कोरोना विरुद्ध लड्न पर्याप्त नभएको बताएका छन् । विशेषगरी रोग प्रतिरोधात्मक क्षमता कमजोर भएकाहरुलाई बुस्टर डोजको अवश्यकता पर्ने उनीहरुको भनाइ छ ।

विश्वका केही देशले निश्चित समूहका बुस्टर डोज दिन थालिसकेका छन् । कोरोनाको डेल्टा भेरियन्टसँग लड्न बुस्टर डोजले काम गर्ने दाबी गरिएको छ । यसअघि अमेरिकाका वैज्ञानिकले बुस्टर डोजको आवश्यक्ता नभएको भन्दै आलोचना गरेका थिए ।

विश्व स्वास्थ्य सङ्गठनले पनि गरिब देशका नागरिकले कोरोना विरुद्धको पहिलो खोप समेत नपाएको भन्दै बुस्टर डोज दिन हतार नगर्न आग्रह गरेको थियो ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्