गएकाे वर्ष विद्युत प्राधिकरणको खुद नाफा ७० प्रतिशत घट्यो, भारतबाट आउने बिजुली ६३ प्रतिशतले बढ्यो

भदौ १, २०७८ मंगलबार १०:०:३८ | उज्यालो सहकर्मी

काठमाण्डाै - नेपाल विद्युत प्राधिकरणका गएकाे वर्षका धेरैजसो सूचक निराशाजनक देखिएका छन्।

वार्षिकोत्सवका अवसरमा विद्युत प्राधिकरणले दिएको जानकारी अनुसार आर्थिक वर्ष २०७६/७७ को तुलनामा प्राधिकरणका सबैजसो सकारात्मक सूचकमा कमी आएको छ ।

गएकाे वर्ष भारतबाट आउने बिजुली बढेको छ, प्राधिकरणका आयोजनाबाट उत्पादन हुने बिजुलीमा कमी आएको छ, चुहावट पनि बढेको छ भने विद्युत प्राधिकरणको नाफा उल्लेख्य घटेको छ ।

प्राधिकरणका अनुसार गएको आर्थिक वर्ष २०७७/७८ मा प्राधिकरणको जलविद्युत् गृहबाट २ अर्ब ८१ करोड युनिट विद्युत मात्र उत्पादन भएको छ, जुन आर्थिक वर्ष २०७६/७७ को उत्पादन ३ अर्ब २ करोड युनिटको तुलनामा ६ दशमलव ९६ प्रतिशतले कम हो ।

गएकाे वर्ष २ अर्ब ८२ करोड युनिट विद्युत भारतबाट खरिद भएको छ जुन आर्थिक वर्ष २०७६/७७ को तुलनामा ६३ दशमलव ४५ प्रतिशतले बढी हो । आर्थिक वर्ष २०७७/७८ मा कुल विद्युत खपत ७ अर्ब ३१ करोड ९० लाख युनिट रहेको छ । जुन आर्थिक वर्ष २०७६/७७ कोे तुलनामा १२ प्रतिशतले बढी हो ।

गएकाे वर्ष विद्युत चुहावट १७ दशमलव १८ प्रतिशत रहेको छ, अघिल्लो आर्थिक वर्ष ७६/७७ को १५.२७ प्रतिशतको तुलनामा १.९१ प्रतिशतले बढी हो ।

वित्तीय उपलब्धि

आर्थिक वर्ष २०७७/७८ मा विद्युत बिक्रीबाट कुल ७१ अर्ब २८ करोड रुपैयाँ आम्दानी भएको छ । जुन आर्थिक वर्ष २०७६/७७ को ७६ अर्ब ३१ करोडको तुलनामा ६ दशमलव ५९ प्रतिशतले न्यून रहेको छ। यस्तै आर्थिक वर्ष २०७७/७८ मा प्राधिकरणको अन्य आम्दानीसहितको खुद आम्दानी ८० अर्ब ३५ करोडमा सञ्चालन खर्च ६८ अर्ब ६४ करोड कट्टा गर्दा हुन आउने सञ्चालन मुनाफा.११ अर्ब ७१ करोड रहेको छ ।

यो मुनाफा आर्थिक वर्ष २०७६/७७ को २३ अर्ब ७४ करोडको तुलनामा ५०.६७ प्रतिशतले कमी हो । आर्थिक वर्ष २०७७/७८ मा कर अघिको मुनाफा ६ अर्ब रहेको छ जुन आर्थिक वर्ष २०७६/७७ को १३ अर्ब २७ करोडको तुलनामा ५४ दशमलव ७३ प्रतिशतले कमी हो । साथै आर्थिक वर्ष २०७६/७७ को कर पछिको खुद मुनाफा ११ अर्ब ६८ करोड रहेकोमा गएकाे आर्थिक वर्षमा ३ अर्ब ५१ करोड अर्थात ६९.९४ प्रतिशतले कमी रहेको छ ।

प्रणालीमा उपलब्ध विद्युतमा खरिदको हिस्सा ६८.३४ प्रतिशत रहेको छ । विद्युत बिक्रीबापत प्राप्त आम्दानीको ५८.८३ प्रतिशत रकम विद्युत खरिदमा खर्च भएको छ । आर्थिक वर्ष २०७६/७७ को तुलनामा विद्युत आयात बढ्न गएकाले आर्थिक वर्ष २०७७/७८ मा विद्युत खरिद बापतको खर्चमा १८ दशमलव ०५ प्रतिशतले बृद्धि भएको छ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्