कर्णाली स्वास्थ्य विज्ञान प्रतिष्ठानमा लिखित नतिजामा नाम नभएको विद्यार्थी उत्तीर्ण

असोज १, २०७८ शुक्रबार १३:१८:१० | नेत्र शाही

जुम्ला - कर्णाली स्वास्थ्य विज्ञान प्रतिष्ठान शिक्षण अस्पताल जुम्लाको स्टाफ नर्सको परीक्षामा लिखित परीक्षाको नतिजामा नाम नभएकी परीक्षार्थी उत्तीर्ण भएपछि विवाद भएको छ ।

लिखितमा नाम नभएकी सपना न्यौपानेको मौखिक पछिको परीक्षामा नम्बर एकमा नाम निक्लेको भन्दै प्रतिष्ठानले अस्ति सूचना निकाले पछि चौतर्फी आलोचना भइरहेको छ ।

प्रतिष्ठानले लिएको लिखित परीक्षामा स्टाफ नर्स पदको लिखित परीक्षाका लागि जम्मा ५० जना सहभागी हुन सूचना जारी गरेकोमा सपना न्यौपानेको नाम नभएकाे तर मौखिक परीक्षा पछिको अन्तिम नतिजामा नाम प्रकाशन भएपछि विवाद भएकाे हाे।

कर्णाली स्वास्थ्य विज्ञान प्रतिष्ठान शिक्षण अस्पताल जुम्लाका रजिस्ट्रार नृपेन्द्र महतले कुनै नियतवश नभइ प्राविधिक त्रुटिका कारण यस्ताे भएकाे बताउनु भएकाे छ ।

'कुनै नियतवश यस्ताे कार्य गरिएकाे हैन । कोडिङ प्रणालीमा सजिलो होला भन्ने हिसाबले गरिएको थियो । अर्कैकोमा कोडिङ परेको रहेछ ' उहाँले भन्नुभयाे ।

छानबिन गर्न स्थानीय प्रशासनलाई पत्राचार

जिल्ला समन्वय समिति जुम्लाले छानबिन गर्न स्थानीय प्रशासनलाई पत्राचार गरेकाे छ । गम्भीर त्रुटि भएपछि जिल्ला समन्वय समितिले स्थानीय प्रशासनलाई पत्राचार गरेको कार्यवाहक प्रमुख कार्मा बुढाले जानकारी दिनुभयो । स्थानीय प्रशासनलाई जिसस जुम्लाले भदौ ३१ गते पत्राचार गरेकाे हाे ।

पत्राचारमार्फत परीक्षाको वास्तविकतामाथि छानबिन गरेर परीक्षार्थीलाई न्याय दिलाउन र प्रतिष्ठानको छवि बचाउन आग्रह गरिएकाे छ ।

प्रतिष्ठानमा कहिलेकाँही यस्ता लापर्बाहीका घटना हुने गरेका छन् । यसअघि पूर्व उपकुलपति प्राध्यापक डाक्टर राजेन्द्रराज वाग्लेको समयमा एक परीक्षा लिखित स्थान राष्ट्रिय पत्रिकामा समेत जुम्ला केन्द्र तोकिए पनि काठमाण्डौ गरेपछि विद्यार्थी आन्दोलित भएका थिए ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

नेत्र शाही

जुम्लामा बसेर पत्रकारिता गर्ने नेत्र शाही उज्यालोका जिल्ला सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्