हाइटीका लागि अमेरिकी विशेष दूतद्वारा आकस्मिक राजीनामा

असोज ८, २०७८ शुक्रबार ७:१४:५ | उज्यालो सहकर्मी

काठमाण्डाै - हाइटीका लागि अमेरिकी विशेष दूतले आकस्मिक राजीनामा दिनुभएको छ । नियुक्ति भएर जिम्मेवारी सम्हालेको दुई महिनामै विशेष दूत डानियल फुटले पदबाट राजीनामा दिनुभएको बीबीसीले जनाएको छ ।

अमेरिका र मेक्सिकोको सीमा क्षेत्रमा हाइटीबाट आएकाहरूको विषयमा भएको विवादका कारण उहाँले राजीनामा दिनुभएको खबरमा उल्लेख छ । हाइटीका हजारौँ शरणार्थी तथा अवैध आप्रवासीलाई अमेरिकाबाट हाइटी पठाउन थालिएको बाइडेन प्रशासनको निर्णयलाई आफूले अमेरिकी प्रतिनिधिको रुपमा सहजीकरण गर्न नसकेको भन्दै राजीनामा दिएको बताउनुभएको छ ।

उहाँले विदेश मन्त्रीलाई पठाउनुभएको राजीनामा पत्रमा हाइटीमा आफ्नो ज्यान जोगाउन पनि कठिन रहेको उल्लेख गर्नुभएको छ । अमेरिकाको यो निर्णयले हाइटीका नागरिकलाई आक्रोशित बनाएकाले उनीहरूले कुटनीतिक मर्यादा भुलेर आफूमाथि आक्रमण गर्न सक्ने चिन्ता व्यक्त गर्नुभएको छ ।

आप्रवासी तथा शरणार्थीहरुमा बस्ने शिविर, खाद्य पदार्थ, पैसालगायत अत्यावश्यक चिजको नै अभाव रहेको उहाँको भनाइ छ । कतिपय शरणार्थीहरू मानसिक समस्यामा रहेका उहाँले बताउनुभएको छ ।

गएको आइतवारदेखि अमेरिकाले मेक्सिकोको सिमानामा रहेको टेक्सास शिविरबाट एक हजार ४ सय एक जना आप्रवासीहरुलाई फर्काइसकेको छ । भूकम्प र राजनीतिक अस्थिरताबाट भागेर आएका आप्रवासीहरलाई यसरी फिर्ता गर्ने निर्णय अमानवीय भएको उहाँले टिप्पणी गर्नुभएको छ ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्