आबुधाबी डाइलगमा सहभागी हुन श्रम मन्त्री श्रेष्ठ यूएईमा

कात्तिक ७, २०७८ आइतबार १७:५७:१६ | उमाकान्त पाण्डे

यूएई – संयुक्त अरब इमिरेट्स (यूएई) मा सोमबारबाट हुने छैठौ श्रम मन्त्री स्तरीय ‘आबुधाबी डाइलग’ मा सहभागी हुन श्रम, रोजगार तथा सामाजिक सुरक्षा मन्त्री कृष्ण कुमार श्रेष्ठ ‘किसान’ यूएई आइपुग्नु भएको छ ।

दुबईको अल हप्तुर प्यालेसमा हुने कार्यक्रममा नेपालले नेपाल भित्र सिकेको सीपलाई मान्यता दिनुपर्ने विषयलाई महत्त्वका साथ उठाउने भएको छ । त्यसका लागि गन्तव्य देशहरूलाई नेपालमा लगानी गर्न आग्रह गर्ने श्रम, रोजगार तथा सामाजिक सुरक्षा मन्त्रालयले जनाएको छ ।

‘आबुधाबी डायलग’ खाडी मुलुकमा श्रमिक पठाउने र श्रमिक लिने देशका श्रम मन्त्री सहभागी हुने क्षेत्रीय मञ्च हो ।

श्रमिक आयात गर्ने मध्यपुर्वी अरबी खाडी मुलुक र कामदार उपलब्ध गराउने एसियाली मुलुकका उच्च सरकारी प्रतिनिधिहरूसहित मन्त्री स्तरीय संवादमा बहुपक्षीय छलफल तथा कामदार दिने र लिन दुवै देशबीच पारदर्शिता हुनुपर्ने विषय अघिल्ला वर्षहरूमा महत्त्वका साथ उठाइँदै आएको थियो ।

डाइलगमा सहभागी हुन श्रम, रोजगार तथा सामाजिक सुरक्षा मन्त्री श्रेष्ठसहित श्रम सचिव सूर्यप्रसाद गौतम र उपसचिव थानेश्वर भुसाल यूएई आइपुग्नुभएको छ । उहाँहरूलाई यूएईका लागि नेपाली राजदूत कृष्णप्रसाद ढकाल तथा श्रम काउन्सिलर निर्मला थापाले विमानस्थलमै पुगेर स्वागत गर्नुभएको छ ।

मन्त्री श्रेष्ठले आबुधाबी डाइलग बाहेक साइड लाइनमा यूएई रहेका नेपालीहरूसँग अन्तरक्रिया गर्ने तथा जेल भ्रमणको पनि सम्भावना रहेको छ । स्वास्थ्य प्रोटोकलका कारण यसबारे सरोकारवाला निकायसँग छलफल गरेर कार्यक्रम तय गरिने राजदूत ढकालले जानकारी दिनुभयो ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

उमाकान्त पाण्डे

उज्यालाे सहकर्मी उमाकान्त पाण्डे युएईमा बसेर पत्रकारिता गर्नुहुन्छ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्