रुकुम पश्चिम : ६ जनाकाे ज्यान जाने गरी भएकाे घटनामा साक्षीकाे बकपत्र सुरु

कात्तिक ९, २०७८ मंगलबार १७:४०:९ | राजु लामिछाने

रुकुम पश्चिम – ६ जनाको ज्यान जाने गरी २०७७ जेठ १० मा रुकुम पश्चिमको चौरजहारी नगरपालिका ८ को सोती गाउँमा भएको घटनाका साक्षीको बकपत्र आज मङ्गलवारदेखि सुरु भएको छ ।

रुकुम जिल्ला अदालतमा आजदेखि दुवै पक्षका साक्षीहरूको बयान लिन सुरु भएको जिल्ला अदालतका स्रेस्तेदार कृतबहादुर बोहराले बताउनुभयो ।

यस घटनाका वादीतर्फका ३९ जना र प्रतिवादीतर्फका २३ जनालाई आज हाजिरी गराइएको छ भने भोलि बुधवार बकपत्र हुनेछ । स्रेस्तेदार बोहराका अनुसार आउँदो शुक्रवारसम्म बकपत्र गराइसकिने छ ।

सोती घटनामा संलग्न भएको आरोपमा चौरजहारी नगरपालिका ८ सोती गाउँका ३४ जनाविरुद्ध जिल्ला अदालत रुकुम पश्चिममा कर्तव्य ज्यान, ज्यान मार्ने उद्योग र जातीय छुवाछुत अभियोगमा मुद्दा दायर भएको थियो ।

तीमध्ये २३ आरोपीलाई पुर्पक्षका लागि कारागारमा राखिएको र ११ जना तारेखमा छाडिएका छन् । अदालतले थुनछेक आदेशबाट वारदात गर्न षड्यन्त्र गरेको आरोप लागेकी केटीकी आमालाई एक एक लाख रुपैयाँ धरौटीमा तथा घटनाका आरोपी दीपेन्द्र चन्द, तुलबहादुर मल्ल र मतियारको आरोप लागेका इन्द्रबहादुर मल्ललाई सादा तारेखमा रहने गरी पुर्पक्ष गरेको थियो ।

बाल सुधार गृहमा रहेकी मृतक नवराजकी प्रेमिका भनिएकी १७ वर्षीया किशोरी र एक किशोरलाई अभिभावकको जिम्मामा रहने गरी उच्च अदालत सुर्खेतले साधारण तारेखमा छाडेको थियो ।

त्यस्तै सर्वाेच्च अदालतले घटनाका आरोपी तुलाराम घर्ती, डिल्ली घर्ती, लोकेन्द्र घर्ती, सौरभ पुन र भीमबहादुर घर्तीलाई पनि साधारण तारेखमै छाडेको थियो ।

जाजरकोट भेरी नगरपालिकाका नवराज विक, गणेश बुढा मगर, सञ्जु विक, लोकेन्द्र सुनार, गोविन्द शाही र रुकुम पश्चिम चौरजहारी नगरपालिका १ का टीकाराम नेपालीको यस घटनामा ज्यान गएको छ । ६ जनाकै शव भेरी नदीमा भेटिएको थियो ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

राजु लामिछाने

राजु लामिछाने रुकुमका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्