रक्षाबन्धन मानेर घर फर्किएकी महिलाको हत्या, परिवारका सदस्य शंकाकाे घेरामा

भदौ २१, २०७५ बिहीबार १४:४९:१९ | गोविन्द शर्मा

बाँके – नेपालगञ्जमा दाजुभाइलाई रक्षाबन्धनमा दिर्घायूको कामना गरेर घर फर्किएकी एक महिलाको रहस्यमय मृत्यु भएकाेमा परिवारका सदस्यहरु पक्राउ परेका छन् ।

बाँकेको डुडुवा गाउँपालिका वडा नम्बर २, बाबागाउँकी २६ वर्षीया अन्नु वर्माको हत्या आरोपमा प्रहरीले परिवारकै सदस्यलाई पक्राउ गरेको हाे ।

अन्नुको हत्या अभियोगमा सासु धनदेई कुर्मी, देवर वीरेन्द्रकुमार वर्मा र स्थानीय हरिहर प्रसाद तेलीलाई पक्राउ गरी अनुसन्धान सुरु गरिएको जिल्ला प्रहरी कार्यालय बाँकेका प्रहरी निरीक्षक रणबहादुर विष्टले जानकारी दिनुभयो ।

भदौं १० गते रक्षाबन्धन बनाउन माइतीघर नेपालगञ्ज उपमहानगरपालिका वडा नम्बर २०, मनिकापुर पुगेकी अन्नु केही दिन माइतीमा बसेर भदौ १४ गते घर फर्कनुभएको थियो । त्यसै राति उनको हत्या भएको माइती पक्षको दावी छ ।

भदौ १५ गते एकाबिहानै अन्नुका पाँच वर्षीय छोराले मावलीमा फोन गरेर आमा म¥यो भनेपछि मात्रै घटनाबारे आफूहरुले जानकारी पाएको अन्नुकी भाउजु विन्दुकमारी वर्माले बताउनुभयो ।

घरपरिवारका सदस्यले कुनैपनि जानकारी दिएनन्, अन्नुकी भाउजु वर्माले भन्नुभयो,–‘मोवाईलमा सम्पर्क गरेर ५ वर्षे नाबालकलाई कुरा गर्न लगाए, आमा मर्‍यो, आमा भर्‍यो भनेर फोन राखिदिए ।’

अन्नुको शव घरभन्दा बाहिर नालीमा भेटिएको थियो । घटनाका दिन प्रहरी घरभित्र प्रवेश नै नगरी एक्कासी पोष्टमार्टम गर्न नेपालगञ्ज ल्याएको माइतीपक्षको दावी छ ।

स्थानीयले घरभित्र रगत लत्पत्तिएको तस्बिर मोवाईलमा खिचेका छन् । यसैगरी अन्नुको शरिरमा निलडाम समेत देखिएको दावी गरेका छन् । भेरी अञ्चल अस्पतालको पोष्टमार्टम रिपोर्टमा पानीमा डुबेर ज्यान गएको उल्लेख भएको भन्दै माईती पक्षले पोष्टमार्टम रिपोर्टमाथि समेत प्रश्न उठाएका छन् ।

अन्नुका श्रीमान वैदेशिक रोजगारीको सिलसिलामा दुबईमा रहेकोमा घटनापछि घर फर्किनुभएको छ ।

अन्नुमाथि यसअघि पनि विभिन्न निहुँमा सासु लगायत घरपरिवारबाट कुटपिट भएको दावी माइती पक्षको छ । अन्नु बिरामी नरहेको र घरको नालीमा डुबेर ज्यानै जाने कुनैपनि अवस्था नरहेको स्थानीय समाजसेवी सत्यनारायण वर्माले बताउनुभयो ।

सासु धनदेई र गाउँकै तेलीबीच अवैध सम्बन्धबारे जानकारी पाएका कारण अन्नुको हत्या भएको माइती पक्षको दावी छ । १५ दिनअघि पनि अन्नुमाथि कुटपिट भएको दावी माइती पक्षको छ ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

गोविन्द शर्मा

गोविन्द शर्मा बाँकेका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्