कलिलैमा विवाह, विवाह गर्ने उमेरमा सम्बन्ध विच्छेद

भदौ २२, २०७५ शुक्रबार १९:८:५३ | प्रकाश धौलाकोटी

तेह्रथुम – तेह्रथुममा कम उमेरमा विवाह गर्ने र पछि सम्बन्ध विच्छेद गर्नेको संख्या उच्च रहेको पाइएको छ ।

विद्यालय र क्याम्पस पढ्दै गरेका युवायुवतीहरुले विवाह गर्ने उमेर नभई भागेर प्रेमविवाह गर्ने र पछि बिहे गर्ने उमेर हुँदै गर्दा सम्बन्ध विच्छेद गर्ने गरेको खुलेको हो ।

जिल्ला अदालतमा पछिल्ला वर्षहरुमा सम्बन्ध विच्छेदका मुद्धाको संख्या बढ्दै गएको र सम्बन्ध विच्छेद गर्ने अधिकांश महिला र पुरुषको उमेर १८ देखि ३० वर्ष हुने गरेको पाइएको छ ।

जिल्ला अदालतको तथ्यांक अनुसार पछिल्ला चार आर्थिक वर्षमा १ सय २३ जोडीले सम्बन्ध विच्छेद गरेका छन् । जसमध्ये पछिल्लो आर्थिक वर्ष २०७४/०७५ मा मात्रै जिल्लाका ४१ जोडीको कानुनी रुपमा सम्बन्ध विच्छेद भएको छ । त्यसमध्ये आधा बढी जोडीहरुको विवाह कम उमेरमै भएको र पछि सम्बन्धमा दरार आएको पाइएको छ ।

त्यो वर्ष सम्बन्ध विच्छेद गर्ने ४१ जोडीमध्ये १८–२५ वर्षका पुरुष ५ जना र महिला ११ जना रहेका श्रेष्तेदार अम्बिकाप्रसाद दाहालले जानकारी दिनुभयो । २५–३० उमेर समूहका महिला ६ जना र पुरुष ७ जना छन् । यस्तै ३१–४० वर्ष उमेर समूहका महिला ११ जना र पुरुष १२ जना रहेका छन् । सम्बन्ध विच्छेद गर्ने जोडीमध्ये ४० माथिका महिला २ जना र पुरुष ५ जना रहेका श्रेष्तेदार दाहालले बताउनुभयो ।

कानुनले सम्बन्ध विच्छेदका लागि दर्ता हुने मुद्धामा बाल विवाह ठहर नगरे पनि सम्बन्ध विच्छेदका लागि आउनेमध्ये अधिकांश कलिलैमा बिहे गर्ने, भागेर प्रेमविवाह गर्ने र सामाजिक सञ्जालमार्फत चिनजान भएर लोभलालचमा बिहे गर्नेहरु बढी भएको उहाँले बताउनुभयो । अदालतको तथ्यांकमा उल्लेख भएअनुसार आर्थिक वर्ष २०७३/०७४ मा पनि १९ जोडीको सम्बन्ध विच्छेद भएको थियो ।

जिल्लामा आर्थिक वर्ष २०७२/०७३ मा ३६ जनाले सम्बन्ध विच्छेद गराएका थिए भने आर्थिक वर्ष २०७१/०७२ मा २९ विवाहित जोडीले सम्बन्ध विच्छेद गराएका थिए । जिल्ला अदालतमा पछिल्ला वर्षहरुमा दर्ता भएका मुद्धाहरुमध्ये सबैभन्दा बढी मुद्धा नै सम्बन्ध विच्छेदका रहेका छन् । यसअघि परिवारको सहमतिमा महिलाको विवाह गर्ने उमेर १८ वर्ष र पुरुषको २० वर्ष रहेको थियो ।

तर हालै कार्यान्वयनमा आएको मुलुकी संहिताले विवाह गर्ने उमेर अझै बढाएर महिला पुरुष दुवैलाई २० वर्ष तोकेको छ । तर अघिल्लो कानुनी व्यवस्था समेत कार्यान्वयन नभएको अवस्थामा अहिलेको कानुनी व्यवस्थालाई हुबहु कार्यान्वयन गर्न निकै जटिल देखिएको छ ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

प्रकाश धौलाकोटी

उज्यालोका तेह्रथुम सहकर्मी प्रकाश धौलाकोटी रेडियो तेह्रथुममा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्