२६ वर्षीय चर्चित अमेरिकी र्‍यापर म्याक मिलर काेठामै मृत भेटिए

भदौ २३, २०७५ शनिबार १३:२१:१२ | उज्यालो सहकर्मी

चर्चित अमेरिकी र्‍यापर म्याक मिलर क्यालिफोर्नियाको लस एञ्जलसमा रहेको आफ्नै घरमा मृत भेटिएका छन् ।

२६ वर्षीय म्याकको मृत्यु अत्याधिक लागुपर्दाथ सेवनका कारण भएको बताइएको छ । उनले पहिले पनि आफूले अत्याधिक मात्रामा लागुपदार्थ सेवन गर्ने गरेको स्वीकारेका थिए । हालसालै उनको एउटा एलबम ‘स्विमिङ’ रिलिज भएको थियो, जसका लागि उनी सांगीतिक भ्रमणमा पनि थिए ।

सन् २०११ मा मिलरले पहिलो एलबम ल्याएका थिए । त्यसपछि उनी युवा पुस्ताबीच निक्कै नै लोकप्रिय थिए । यसै वर्षको सुरुवातमा गायिाका आरियाना ग्र्यान्डसँग मिलरको ब्रेकअप भएको थियो ।

मिलर र आरियानको पहिलो भेट सन् २०१२ मा भएको थियो । दुवैले एउटा कन्सर्टमा कैयौं गीत पनि गाएका थिए ।

लागुपदार्थ सेवन गरेकोमा गिरफ्तार भएका थिए

गएको मे महिनामा नशालु पदार्थ सेवन गरेको आरोपमा मिलर पक्राउ परेका थिए । मिल पक्राउ पर्नुमा आरियाना दोषी रहेको आरोप पनि लगाइएको थियो । त्यसपछि आरियानाले सार्वजनिक रुपमै म्याकसँगको ‘टक्सिक रिलेसन’ समाप्त भएको बताएकी थिइन् ।

उनले इन्स्टाग्राममा लेखेकी थिइन्, ‘म कोही बालकलाई सम्हाल्ने धाई वा आमा त होइन । कुनै पनि महिलालाई यो बन्न आवश्यक पनि छैन । यतिका वर्ष म उनले नशालु पदार्थ सेवन छोड्लान भन्ने सोचेरै सँगै बसेकी थिएँ । तर उनले त्यसो गरेनन् ।’

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्