स्वारा भाष्करकाे ट्वीटमा अपशब्द लेखेपछि ब्लक भयाे विवेक अग्निहोत्रीको ट्वीटर अकाउन्ट

भदौ २६, २०७५ मंगलबार १८:३०:४१ | उज्यालो सहकर्मी

सामाजिक स‍ञ्जालमा समसामायिक विषय तथा घटनाहरुमा अभिनेत्री स्वारा भास्करले आफ्नो विचारहरु राख्दै आइरहेकी हुन्छिन् । यही कारण स्वारा भास्कर बेलाबेलामा चर्चा तथा विवादहरुमा छाइरहेकी पनि हुन्छिन् ।

अहिले स्वाराले गरेको ट्वीटमा प्रतिक्रिया दिएका फिल्म निर्देशक विवेक अग्निहोत्रीको ट्वीटर अकाउन्ट ब्लक भएको छ ।

स्वारा भास्करले केरलाकी भिक्षुणीमाथि भएको बलात्कारको विषयमा केरलाका विधायक पीसी जर्जले दिएको विवादित बयानको आलोचना गरेकी थिइन् ।
स्वाराले विधायकले बोलेको कुरा निकै लाजमर्दो र घृणित भएको र भारतको राजनीतिक धारा र विभाजित धर्ममा हुने घोटाला निकै खराब रहेकी बताएकी थिइन् ।

स्वाराको यस किसिमको ट्वीटप्रति फिल्म निर्देशक विवेक अग्निहोत्रीले स्वारालाई नै अपशब्द लेखेपछि स्वारा र विवेकबीच ट्विटरमै भनाभन भयो । त्यसपछि स्वाराले विवेकको ट्वीटप्रति ट्विटरमा रिपोर्ट गरेपछि विवेकले उक्त ट्वीट डिलिट गर्नुपरेको थियो ।

साथै स्वाराले रिपोर्ट गरेपछि ट्वीटरले जवाफमा,‘हामीले तपाईंले रिपोर्ट गरेको अकाउन्ट आकलन गर्‌‍यौं र त्यो अकाउन्ट ट्विटरको नियम विपरित भएको पनि पायौं । त्यसैले त्यो अकाउन्टलाई ब्लक गरिदिएका छौं ।’ भन्दै रिप्लाई गरेको थियो ।

पञ्जाबको जालन्धरका बिशेष फ्रेन्को मुलक्कलमाथि केरलाकी एक भिक्षुणीलाई बलात्कार गरेको आरोप लागेपछि केरलाका विधायक पीसी जर्जले विवादिद बयान दिएका थिए । उनले बलात्कारको आरोप लागेका बिसपको पक्ष लिएर पीडित भिक्षुणीको चरित्रमाथि औंला उठाएका थिए ।

यसै कुराको विरोधमा स्वराले सामाजिक सञ्जालमा आफ्नो विचार राख्दा फिल्म निर्देशक विवेक अग्निहोत्रीले उल्टै स्वारामाथि नै अपशब्द प्रयोग गर्दै ट्वीट गरेपछि उनी ट्वीटरमा ब्लक भएका हुन् ।

अग्निहोत्रीले फिल्म ‘चकलेट’, ‘हेट स्टोरी’ र ‘जिद’ लगायतका फिल्म निर्देशन गरिसकेका छन् ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्