स्थानीय तह चुनावमा तालमेल गर्नेबारे कांग्रेसले कुनै निर्णय गरेकाे छैन : उपसभापति खड्का

फागुन २५, २०७८ बुधबार १७:४९:५८ | उज्यालो सहकर्मी

काठमाण्डाै – नेपाली कांग्रेसका उपसभापति पूर्णबहादुर खड्काले आसन्न स्थानीय तह चुनावमा गठबन्धन गर्ने सम्बन्धमा अहिले पार्टीले कुनै निर्णय नगरेको बताउनुभएकाे छ । आज बुधवार पार्टीको केन्द्रीय कार्यालयमा भएकाे चुनाव लक्षित पत्रकार सम्मेलनमा उहाँले गठबन्धनको सम्बन्धमा कुनै छलफल नहुने उहाँले स्पष्ट पार्नुभयो ।

आउँदा दिनमा पार्टीको केन्द्रीय समिति र केन्द्रीय कार्यसम्पादन समितिको बैठक बसेर मात्रै यस सम्बन्धमा आधिकारिक निर्णय गरिने र त्यही निर्णयको आधारमा अघि बढ्ने उहाँले बताउनुभयो ।

उपसभापति खड्काले भन्नुभयो, ‘गठबन्धनको विषयमा चुनावकाे प्रक्रियाको छलफलको क्रममा हाम्रो पार्टीको केन्द्रीय कार्यसमितिको बैठक बस्छ । कार्यसमितिको बैठकले चुनावका बारेमा, चुनावी तालमेलका बारेमा, चुनावी गठबन्धनका बारेमा छलफल गरेर निष्कर्षमा हामी पुग्छौँ । पार्टीको त्यो निष्कर्षभन्दा अगाडि अहिले गठबन्धन हुन्छ कि हुन्न ? तालमेल हुन्छ कि हुन्न ? भनेर छलफलको विषय हामी बनाउँदैनौँ । त्यो अपरिपक्व छलफल हुन्छ । जसरी एमसीसीमा कांग्रेस सर्वसम्मतिले एउटा निर्णयमा पुग्यो, त्यसैगरी यो चर्चामा आएको गठबन्धन चुनावी तालमेलको सम्बन्धमा सर्वसहमतिले हामी एउटा निर्णय गर्छाैँ । त्यो निर्णय लिएर जनताको बीचमा जान्छौँ । यसबाहेक कांग्रेस अलल्लिने पक्षमा छैन ।’

देशको परिस्थिति, गठबन्धन सरकारको भविष्यलगायतका तत्कालीन परिस्थितिको अध्ययन गरेर मात्रै गठबन्धनबारे निर्णय लिइने उहाँले बताउनुभयो ।

अन्तिम अपडेट: पुस २६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्