शुक्रबार रातिदेखि थुनिएको बडिगाड खोलामा पाँच घण्टापछि पानी बग्न थाल्यो, खतरा टर्दै

भदौ ३०, २०७५ शनिबार ७:४५:४२ | जनार्दन घिमिरे

गुल्मी – बाग्लुङ्गको ढोरपाटन नगरपालिका र बडिगाड गाउँपालिकाको सिमानामा शुक्रबार रातिदेखि थुनिएको बडिगाड खोलामा पाँच घण्टापछि पानी बग्न थालेको छ ।

थुनिएको खोलाको सतहमाथिबाट बिस्तारै पानी बग्न थालेको हुँदा त्यहाँको अवस्था अहिले खतरामुक्त रहेको घटनास्थलवाट बाग्लुङ्गका प्रमुख जिल्ला अधिकारी वेदप्रसाद खरेलले बताउनु भएको छ ।

ढोरपाटन नगरपालिका –१, र बडिगाड गाउँपालिका –७, अन्तर्गत भर्याङ क्षेत्रमा माथिबाट सुख्खा पहिरो खसेपछि शुक्रबार रातिदेखि खोला थुनिएको थियो । ‘हामी बिहान ५ः १५ मा खोला थुनएको ठाउँमा आइपुगेका थिययौँ, माथिबाट निकै गहिरिएर पहिरो खसेको रहेछ, ताल २ किलोमिटर जति लामो बनेको छ, पहिरो पनि डेढ किलोमिटर भन्दा लामो गएको रहेछ’, घटनास्थलको अवलोकन गरेपछि प्रमुख जिल्ला अधिकारी खरेलले बताउनुभयो ।

प्रमुख जिल्ला अधिकारीका अनुसार ताल नफुटे पनि ताल माथिबाट अहिले पानी जान थालेको हुँदा थुनिएको खोलामा ५० प्रतिशत पानी बग्न सुरु गरेको कारण उक्त क्षेत्रको अवस्थाखतरामुक्त रहेको बताउनुभयो ।

खोला थुनिएपछि ढोरपाटन नगरपालिका –२, सिमलचौर क्षेत्रका केही घरहरु डुवानमा परेका छन् । डुवानबाट कुनै मानवीय क्षति भने भएको छैन । पहाड माथिबाट खसेको ठूला–ठूला चट्टानका कारण खोला थुनिएपछि बडिगाड छेउछाउमा रहेका बाग्लुङ्ग र गुल्मीका नागरिक रातभर जाग्राम बसेका थिए । उनीहरु थुनिएको खोलाको ताल कुनै पनि बेला फुट्न सक्ने खतराबाट अझै पनि निकै त्रसित छन् ।

घटनाको जानकारी पाएपछि राति नै बाग्लुङ्गबाट प्रमुख जिल्ला अधिकारी, प्रहरी उपरीक्षक, नेपाली सेना, सशस्त्र प्रहरीसहितको टोली राति नै सदरमुकामबाट घटनास्थलतर्फ गएको थियो ।

खोला थुनिएपछि गुल्मीको मुसिकोट नगरपालिका, चन्द्रकोट गाउँपालिका, सत्यवती गाउँपालिका र रुरु गाउँपालिकाअन्तर्गत पर्ने बडिगाड खोला वरिपरि रहेका बजार र बस्तीहरुमा पनि सुरक्षा सर्तकता बढाइएको गुल्मीका प्रमुख जिल्ला अधिकारी यदुनाथ पौडेलले बताउनु भएको छ ।

बडिगाड खोला थुनिएपछि मध्य पहाडी लोकमार्ग समेत बन्द भएको छ । बडिगाड थुनिएको स्थान बाग्लुङ्ग सदरमुकामबाट ८५ किलोमिटर उत्तर पश्चिम र गुल्मी सदरमुकामबाट ४५ किलोमिटरको दूरीमा पर्दछ ।

थुनिएका वडिगाड खाेला,
overflow भएर पानी वग्न थालेकाे छ । pic.twitter.com/kmqm3IQojE
— वडिगाड गाँउपालिका, बागलुङ (@BadigadRM) 15 September 2018

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

जनार्दन घिमिरे

गुल्मीका क्रियाशील पत्रकार जनार्दन घिमिरे लामो समयदेखि उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्