आफ्नो खुट्टामाथि भरोसा नहुनेहरूले मात्रै चुनावमा गठबन्धन गर्छन् : पाेखरेल

चैत १०, २०७८ बिहीबार १८:३३:५३ | उज्यालो सहकर्मी

काठमाण्डाै – प्रमुख प्रतिपक्ष दल नेकपा एमालेका वरिष्ठ उपाध्यक्ष ईश्वर पोखरेलले स्थानीय तहको चुनावमा आफ्नो पार्टीले कुनै पनि खालको गठबन्धन नबनाउने स्पष्ट पार्नुभएको छ ।

आज बिहीवार पार्टी केन्द्रीय कमिटी बैठक सम्पन्न भएलगत्तै न्युज एजेन्सी नेपालसँगको कुराकानीमा उहाँले एमालेलाई चुनावमा अरूको वैशाखीको आवश्यक नभएको पनि पटक–पटक दोहोर्‍याउनुभयाे । उहाँले भन्नुभयो, ‘हामीले प्रष्टैसँग भनेका छौँ– हामी चुनावलाई ध्यानमा राखेर कुनै गठबन्धन बनाउँदैनौँ । हामी हाम्रो खुट्टामाथि विश्वास गर्छाैँ । भुइँ टेकेको खुट्टामाथि विश्वास छ । हामी त्यसैमा उभिएर चुनावकाे प्रतिस्पर्धामा सामेल हुन्छौँ । जसलाई आफ्नो खुट्टामाथि भरोसा छैन, उसलाई मात्रै वैशाखी चाहिन्छ । हामी त्यो बैशाखीको पक्षमा छैनौँ । दोस्रो कुरा, चुनावमा कतिपय ठाउँमा स्थानीय आवश्यक्ताको आधारमा सिट व्यवस्था हुन सक्छ । त्यो अलग कुरा भयो । तर केन्द्रबाट हामी कुनै गठबन्धन बनाउँदैनौँ ।’

वरिष्ठ उपाध्यक्ष पोखरेलले केन्द्रीय कमिटी बैठक स्थानीय तह चुनावमा जित हासिल गर्ने मानसिकताका साथ सम्पन्न भएको उल्लेख गर्दै त्यहीअनुसार सिङ्गो पार्टी पङ्क्तिलाई परिचालित गरेर अघि बढ्ने बताउनुभयो । परमादेशबाट निर्मित शक्तिसँग चुनावमा आफूहरूको प्रतिस्पर्धा हुने भन्दै उहाँले उनीहरूलाई पराजित गरेर अघि बढ्ने गरी तत्काल योजना बनाउने बताउनुभयो ।

यस्तै वरिष्ठ उपाध्यक्ष पोखरेलले स्थानीय तह चुनावमा जित्ने र टिक्ने कार्यकर्तालाई उम्मेदवार बनाउने मापदण्ड पनि केन्द्रीय कमिटीले तय गरेको बताउनुभयो ।

अन्तिम अपडेट: पुस २७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्