नेपाललाई पीएनजीले दियाे २ सय ९३ रनकाे लक्ष्य

चैत ११, २०७८ शुक्रबार १३:४१:२ | उज्यालो सहकर्मी

काठमाण्डाै – पपुवा न्युगिनी (पीएनजी) सँगको पहिलो एकदिवसीय क्रिकेटमा नेपालले दुई सय ९३ रनकाे लक्ष्य पाएकाे छ ।

त्रिवि क्रिकेट मैदानमा टस हारेर ब्याटिङ गरेकाे पीएनजीले निर्धारित ५० ओभरमा आठ विकेट गुमाएर दुई सय ९२ रन बनायाे । पीएनजीका लागि चार्ल्स अमिनीले ७३, असाद भालाले ६० र नाेर्मान भानुआले ४७ रन बनाए । बलिङतर्फ कमल ऐरी, साेमपाल कामी र दीपेन्द्रसिंह ऐरीले २–२ विकेट लिए । यस्तै सन्दीप लामिछाने र पवन सर्राफले १–१ विकेट लिए ।

एकदिवसीयमा याे पीएनजीकाे अहिलेसम्मकै ठूलो योगफल हो । यसअघि पीएनजीले हङकङसँगकाे एकदिवसीय क्रिकेटमा सन् २०१४ मा दुई सय ६४ रनकाे सर्वाधिक ठूलाे याेगफल बनाएकाे थियाे ।

त्यस्तै पीएनजी नेपालसँगकाे खेलमा सर्वाधिक रन बनाउने टोली पनि बनेको छ । यसअघि सन् २०१९ मा संयुक्त अरब इमिरेट्स (यूएई) ले नेपालसँगकाे तेस्राे एकदिवसीय खेलमा दुई सय ५४ रन बनाएकाे थियाे जुन नेपालले एकदिवसीयमा पाएकाे सर्वाधिक ठूलाे लक्ष्य थियाे । यद्यपि नेपालले पारस खड्काकाे एक सय १५ रनकाे सहयाेगमा नेपालले त्याे लक्ष्य पूरा गरेकाे थियाे । याे नै नेपालले एकदिवसीयमा पूरा गरेकाे र बनाएकाे अहिलेसम्मकाे सर्वाधिक ठूलाे याेगफल थियाे ।

नेपालले आज र भोलि पीएनजीसँग दुई वटा एकदिवसीय खेल खेल्दैछ। यस्तै मार्च २८ देखि अप्रिल ४ तारिखसम्म नेपाल, मलेसिया र पपुवा न्युगिनीबीच सात वटा खेलको टी–२० शृङ्खला हुँदैछ ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्