फुङलिङ नगरपालिकाको मेयरमा कांग्रेस विजयी

जेठ ३, २०७९ मंगलबार १५:२६:१५ | केशवप्रसाद भट्टराई

ताप्लेजुङ – ताप्लेजुङको एक मात्र नगरपालिका फुङलिङमा गठबन्धनका उम्मेदवार नेपाली कांग्रेसका अमिर मादेन विजयी हुनुभएकाे छ ।

गठबन्धनका उम्मेदवार मादेनले दुई हजार ३६७ मतको भारी अन्तरले नेकपा एमालेका छत्रपति प्याकुरेललाई पछि पार्दौ विजय हासिल गर्नु भएको हो । उहाँले ६ हजार १७९ मत प्राप्त गर्नु भएको छ । उहाँका प्रत्यासी नेकपा एमालेका छत्रपति प्याकुरेलले तीन हजार ८१२ मत मात्र प्राप्त गर्नु भएको छ । २०७४ सालको निर्वाचनमा विजयी बनि ५ वर्ष मेयर चलाउनुभएका प्याकुरेल फराकीलो मतले पराजित हुनुभएको हो ।

उता, उपमेयर पदमा भने नेकपा एमालेकी भीमादेवी ओझाले चार सय ३३ मतको अन्तरले विजयी बन्नु भएको छ । उहाँले चार हजार २७७ मत प्राप्त गर्नु भएको छ । ओझाका प्रत्यासी गठबन्धनका तर्फबाट नेकपा माओवादीका उम्मेदवार बमबहादुर भट्टराईले तीन हजार ८४४ मत प्राप्त गर्नुभएको छ । विजयी ओझा पनि नेकपा एमालेका तर्फबाट नगरपालिको वडा नं.५ को वडाध्यक्ष बनिसक्नु भएको हो । पराजित बन्नुभएका भट्टराई गएको ५ वर्ष उपमेयर पद सम्मालि सक्नुभएको हो ।

यस्तै नगरपालिकाको ११ वडामध्ये नेकपा एमालेले ३, ४, ७ र ९ वडामा वडाध्यक्ष जितेको छ । गठबन्धनका तर्फबाट नेपाली कांग्रेसले वडा न.१, ६ र ८ को वडाध्यक्ष जित हात पारेको छ । गठबन्धनकै अर्को घटक नेकपा माओवादीले वडा नं. ५, १० र ११ को वडाध्यक्ष जितेको छ भने नेकपा एकीकृत समाजवादीले वडा नं. २ मा जित हासिल गरेको छ ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

केशवप्रसाद भट्टराई

केशवप्रसाद भट्टराई ताप्लेजुङका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्