काठमाण्डाैलाई बनाउन यहीँकै मान्छे प्रधानमन्त्री र मन्त्री बन्नुपर्ने हाे ? : सांसद श्रेष्ठ

जेठ १९, २०७९ बिहीबार १५:६:४१ | उज्यालो सहकर्मी

काठमाण्डाै – नेकपा (एकीकृत समाजवादी) का सांसद जीवनराम श्रेष्ठले काठमाण्डाैलाई बस्न योग्य राजधानी बनाउनुपर्ने बताउनुभएको छ ।

आज बिहीवार प्रतिनिधि सभाको बैठकमा आउँदाे आर्थिक वर्षकाे राजस्व र व्ययको वार्षिक अनुमानमाथिको छलफलमा भाग लिँदै सांसद श्रेष्ठले यस्तो बताउनुभएको हो । उहाँले काठमाण्डाैवासी नै प्रधानमन्त्री र महत्त्वपूर्ण मन्त्री हुनुपर्ने हो भन्दै प्रश्न गर्नुभयो । उहाँले सरकारको ध्यान राजधानी बनाउने कुरामा जान नसकेको पनि बताउनुभयो ।

उहाँले भन्नुभयो, ‘काठमाण्डाैलाई व्यवस्थित गर्न फ्लाइओभर राख्ने, अन्डरपास बनाउने कुराहरू आइरहेकाे छ तर यो कार्यान्वयनमा जान सकिरहेको छैन । देशको राजधानी भनेको अनुहार हो । सबैले पहिला हेर्ने भनेको राजधानी हो । काठमाण्डाै बनाउन काठमाण्डाैबाट नै प्रधानमन्त्री बन्नुपर्ने हो कि ? राजधानीबाट नै महत्त्वपूर्ण मन्त्रीहरू हुनुपर्ने हो कि ? त्यसपछि मात्रै यो राजधानी बन्ने हो कि ? सरकारको ध्यान राजधानी बनाउने कुरामा किन जान सकिरहेको छैन ? याे चिन्ताकाे विषय हाे । बस्न योग्य राजधानी बनाउनु पर्‍याे । काठमाण्डाैमा पाँच मिनेट हिँडेर घुमौँ भन्ने वातावरण छैन ।’

सांसद श्रेष्ठले काठमाण्डाैलाई बस्न, घुम्न, हेर्न र हिँडडुल गर्नसक्ने राजधानी बनाउनुपर्नेमा जोड दिनुभयो । उहाँले काठमाण्डाै जस्तो सांस्कृतिक सहरलाई मौलिकता कायम गर्ने गरी विकासका योजना अघि बढाउनुपर्ने बताउनुभयाे ।

अन्तिम अपडेट: मंसिर १७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्