वित्तीय समानीकरण अनुदान कटौतीबारे गाउँपालिका महासङ्घ र नगरपालिका सङ्घद्वारा सरकारकाे ध्यानाकर्षण

माघ ३०, २०८१ बुधबार १२:३५:४० | उज्यालो सहकर्मी

काठमाण्डौ – गाउँपालिका राष्ट्रिय महासङ्घ र नेपाल नगरपालिका सङ्घले वित्तीय समानीकरण अनुदान कटौतीबारे सरकारको ध्यानाकर्षण गराएका छन् ।

चालु आर्थिक वर्षको स्वीकृत वार्षिक बजेटमध्ये पालिकामा हस्तान्तरण हुने वित्तीय समानीकरण अनुदान सरकारले कटौती गरेपछि महालेखा नियन्त्रक कार्यालयले सबै कोष तथा नियन्त्रक कार्यालयलाई गरेको पत्रमा गाउँपालिका राष्ट्रिय महासङ्घ र नेपाल नगरपालिका सङ्घले गम्भीर ध्यानाकर्षण भएको जनाएको छ ।

सरकारले हरेक वर्ष समानीकरण अनुदानमा कटौती गरिरहने प्रवृति गम्भीर भएको भन्दै उनीहरुले संयुक्त विज्ञप्तीमार्फत सरकार र सम्बन्धित निकायको ध्यानाकर्षण गराएका छन् ।

सरकारबाट समानीकरण अनुदान शीर्षकमा स्थानीय सरकारमा निकासा हुनुपर्नेमध्ये तेस्रो किस्तामा विनियोजित रकमको २५ प्रतिशत निकासा हुनुपर्नेमा १३.२४ प्रतिशत मात्र निकासा हुने देखिन्छ ।

समानीकरण अनुदानसमेत कटौती गर्ने कार्यले वित्तीय सङ्घीयताको प्रभावकारी कार्यान्वयनमा प्रश्न चिन्ह खडा भएको, पालिकाको सेवा प्रवाह र विकास निर्माण कार्यमा गम्भीर असर पुग्ने र योजना तर्जुमा गर्नुको औचित्यमा समेत प्रश्न खडा हुने विज्ञप्तीमा उल्लेख छ ।

त्यस्तै ससर्त अनुदानमा कटौती र समानीकरण अनुदानमा वृद्धि गर्दै वित्तीय सङ्घीयताको कार्यान्वयन गर्नुपर्नेमा सङ्घीय सरकार ससर्त अनुदान बढाउदै विनियोजन ऐनमा नै समानीकरणको आकार कम गर्ने र विनियोजन भइसकेको रकमसमेत घटाउने प्रवृतिले नेपाल सरकारले सङ्घीयता कार्यान्वयनमा देखाइरहेको तदारुकता र सकृयतासमेत कमजोर हुने स्थिती देखिएको पनि उल्लेख छ ।

आफूहरुको आग्रहलाई बेवास्ता गरिएकोमा सङ्घीयता कार्यान्वयनमा सरकार इमान्दार र प्रतिबद्ध नरहेको सन्देश जाने गाउँपालिका राष्ट्रिय महासङ्घ र नेपाल नगरपालिका सङ्घको ठहर छ ।

अन्तिम अपडेट: माघ ३०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्