रुकुम पश्चिम : सौर्य बत्तीले झिलिमिली चौरजहारी

असार १५, २०७९ बुधबार १२:४८:२५ | राजु लामिछाने

रुकुम पश्चिम - रुकुम पश्चिमको चौरजहारी नगरपालिकाका विभिन्न वडामा सौर्य बत्ती जडान गरिएको छ । नगरका आठ वटा वडाका ३ सय २५ ठाउँमा सौर्य बत्ती जडान गरिएकाे हाे ।

चौरजहारी नयाँ सहर आयोजनाले नयाँ सहर क्षेत्रका सडक, सार्वजनिक स्थल र बसपार्क क्षेत्रमा सौर्य बत्ती जडान गरेको छ । चौरजहारी नयाँ सहर क्षेत्रमा ३ सय २५ ओटा सौर्य बत्ती जडान गरिएको नयाँ सहर आयोजना चौरजहारीका प्रमुख धिर फडेराले बताउनुभयो । उहाँका अनुसार आर्थिक वर्ष ०७८/०७९ को स्वीकृत कार्यक्रम अनुसार छनाेट भएका आठ वटा वडामा सौर्य बत्ती जडान सम्पन्न गरिएको हो ।

चौरजहारी नगरपालिकाको वडा नम्बर १ को १ सय ३४ ठाउँमा, २ को ५२ ठाउँमा, ३ को १ सय १ ठाउँमा, ४ को दुई ठाउँमा सौर्य बत्ती जडान गरिएको छ । त्यसैगरी वडा नम्बर ६ मा सात वटा, ७ मा १४ वटा र ११ मा पाँच वटा सौर्य बत्ती जडान गरिएको छ । आयोजना कार्यालयका अनुसार जि.टेक. कन्ट्रक्सन एन्ड इन्जिनियरिङले तोकिएकै समयमा काम सम्पन्न गरेको हो ।

भ्याट रकमसहित ३ करोड ४० लाख ४९ हजार ९ सय ५१ रुपैयाँ सौर्य बत्ती जडानको काम सम्पन्न भएको बताइएको छ । गएकाे माघ महिनामा सम्झौता गरेर निर्माण कम्पनीले काम सुरु गरेको थियो।

आठ वडा वडाका मुख्य क्षेत्रहरुमा सोलार बत्ती जडान हुँदा गाउँमा झिलिमिलि भएपछि स्थानीयवासी खुशी भएका छन् । चौजहारी नगरपालिका-१ का रिमप्रसाद शर्माले सोलार बत्तीले सबैतिर झिलिमिली भएकाे बताउनुभयो । विशेष गरेर सडक क्षेत्रमा उज्यालो भइरहँदा रातिको समयमा बाटोमा हिँड्न सजिलाे भएकाे उहाँले बताउनुभयो ।

रातिको समयमा बसपार्कमा झर्ने यात्रुहरुले समेत सौर्य बत्तीको कारण सामान ओसारपसार गर्न सहज भएको बताउँछन् । चौरजहारी ११ का शेरजङ्ग चन्दले बसपार्कमा रातिको समयमा पुगेपछि झिलिमिली हुने भएकोले बासस्थान खोज्न, रिक्सा खोज्न समस्या नहुने बताउनु भयाे ।

उहाँले उपयोगी रहेको सौर्य बत्ती जडान कार्यको सुरक्षा र नियमितताको विषयमा बेलैमा सोच्न जरुरी रहेको बताउनुभयो । सरकारले घोषणा गरेको दश नयाँ सहर अन्तर्गत चौरजहारी पनि एउटा सहर हो ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

राजु लामिछाने

राजु लामिछाने रुकुमका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्