देश छाड्न लागेका श्रीलङ्काका पूर्व अर्थमन्त्रीलाई कर्मचारीले विमानस्थलबाटै फर्काए

असार २८, २०७९ मंगलबार १४:५१:४१ | एजेन्सी

देश छाड्न लागेका श्रीलङ्काका पूर्व अर्थमन्त्री बासिल राजपक्षेलाई अध्यागमनका कर्मचारीले विमानस्थलबाटै फर्काएका छन् । श्रीलङ्काका राष्ट्रपति गोटाबाया राजापाक्षेका कान्छा भाइसमेत रहेका बासिल राजापाक्षे दुबई हुँदै अमेरिकाको वाशिङ्टन जानका लागि कोलम्बो विमानस्थल पुग्नुभएको थियो तर विमानस्थलका कर्मचारीले उहाँको देश छाड्ने योजना असफल बनाइदिएका बीबीसीले जनाएको छ ।

देशलाई आर्थिक रूपमा टाट पल्टाएर आफू विदेश जान थालेको भन्दै कर्मचारी र विमानस्थल पुगेका अन्य यात्रुले पूर्व अर्थमन्त्रीको विरोध पनि गरेका छन् । देश चरम आर्थिक सङ्कटमा पर्न थालेपछि गएको अप्रिल महिनामा उहाँले राजीनामा दिनुभएको थियो । श्रीलङ्काका राष्ट्रपतिका सबै दाजुभाइ देशका प्रमुख पदमा हुनुहुन्छ । गाेटाबाया राजपक्षे राष्ट्रपति हुनुहुन्छ, महिन्दा राजपक्षे यसअघि प्रधानमन्त्री हुनुहुन्थ्यो, बासिल राजपक्षे महिन्दा राजपक्षे प्रधानमन्त्री हुँदा अर्थमन्त्री हुनुहुन्थ्यो ।

बासिल राजापाक्षेसँग अमेरिकाको पनि नागरिकता रहेको छ तर उहाँलाई पदमा ल्याउनका लागि कानुन नै परिवर्तन भएको थियो । बासिलमाथि सन् २०१५ मा भ्रष्टाचारको समेत आरोप लागेको थियो । श्रीलङ्कामा प्रदर्शनकारीले गएको शनिवारदेखि राष्ट्रपतिको भवन कब्जा गरेर बसेका छन् ।

अन्तिम अपडेट: पुस ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

देश छाड्न लागेका श्रीलङ्काका पूर्व अर्थमन्त्रीलाई कर्मचारीले विमानस्थलबाटै फर्काए

तस्बिर : एजेन्सी

तपाईको प्रतिक्रिया