२०३० काे विश्व कप आयाेजना गर्न अर्जेन्टिना, चिली, उरुग्वे र पाराग्वेकाे संयुक्त प्रस्ताव

साउन १८, २०७९ बुधबार १७:३८:० | एजेन्सी

सन् २०३० को विश्व कप फुटबल आयोजनाका लागि अर्जेन्टिना, चिली, उरुग्वे र पाराग्वेले संयुक्त प्रस्ताव पेस गरेका छन् । चार देशले संयुक्त रूपमा विश्व कप आयोजना गर्न प्रस्ताव पेस गरेसँगै दक्षिण अमेरिकी फुटबल महासङ्घका अध्यक्ष अलेजान्द्रो डोमिनगुइजले यो पूरा महादेशको सपना भएको बताउनुभएको छ ।

उरुग्वेले सन् १९३० मा पहिलो पटक प्रतियोगिता आयोजना गरेको थियो । विश्वकप आयोजनाको शताब्दि मनाइरहँदा उरुग्वे सन् २०३० को प्रतियोगिता घर ल्याउन चाहन्छ ।

सन् २०३० को विश्व कप आयोजना गर्न स्पेन र पोर्चुगलले पनि संयुक्त प्रस्ताव पेस गरेका छन् । चिलीले सन् १९६२ को विश्व कप आयोजना गर्दा अर्जेन्टिनामा सन् १९७८ मा विश्व कप भएको थियो ।

सन् २०२२ को विश्व पक कतारमा हुनेछ भने सन् २०२६ को विश्व कप क्यानडा, मेक्सिको र अमेरिकाले संयुक्त रूपमा आयोजना गर्ने छन् । फिफाले सन् २०३० को आयोजक सन् २०२४ मा छान्ने जनाएको छ ।

बेलायत र आयरल्यान्ड फुटबल सङ्घले भने सन् २०३० को विश्व कप आयोजनाका लागि प्रस्ताव पेस नगर्ने बरु सन् २०२८ को युरो कप आयोजनामा ध्यान दिने बताएका छन् ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्