बिचौलियालाई हटाउन खोज्दा सप्तरी मालपोतमा विवाद, कामकाज बन्द

असोज १२, २०७५ शुक्रबार १८:४२:१० | शुभनारायण यादव

सप्तरी – नेपाल सरकारले मालपोत कार्यालयको हाताभित्रबाट लेखापढी व्यवसायीहरुलाई बाहिर निकाल्ने गरेको निर्णयले सप्तरीमा विवाद उत्पन्न भएको छ ।

जिल्ला मालपोत कार्यालय सप्तरीमा वर्षौँदेखि हाता भित्रै बसेर लेखापढी गर्दे आएका व्यवसायीहरुलाई मालपोत कार्यालय सप्तरीले ठाउँ खाली गर्न भनेपछि विवाद उत्पन्न भएको हो । बिचौलियालाई हटाउन खोज्दा सप्तरी मालपोतमा विवाद उत्पन्न भएपछि कर्मचारीहरु कामकाज बन्द गरेपछि जिल्लाको विभिन्न नगरपालिका तथा गाउँपालिकाबाट आएका सयौँ सेवाग्राहीहरु मर्का परेका छन ।

कर्मचारी र बिचौलियाको बीचमा विवाद भएपछि कार्यालयको कामकाज बन्द भएको छ । सेवाग्राहीहरु बिना कामकै घर फर्किन बाध्य भएको एक सेवाग्राही बिषरिया निवासी गोसाई यादवको भनाई छ ।

संघीय मन्त्रिपरिषदले गएको साउन २९ गते देशैभरिका मालपोत कार्यालय र नापी कार्यालयमा सरोकारवाला बाहेकलाई प्रवेश निषेध गर्न तथा सेवालाई चुस्त दुरुस्त बनाउन १५ दिन भित्र सबै लेखापढी व्यवसायी मालपोत कार्यालयको हाता खाली गराउन गृह मन्त्रालय र मालपोत विभागलाई निर्देशन दिएको थियो ।

सप्तरीमा लेखापढी व्यवसायीहरुलाई विभागको निर्देशन अनुसार मौखिक तथा लिखित जानकारी दिएपनि उनीहरु हट्न नमानेको जिल्ला मालपोत कार्यालय सप्तरीका प्रमुख दुधिराम गुरागाईले जानकारी दिनुभयो ।

विभागकै आदेश भएकोले लेखापढी व्यवसायीसँग कुनै किसिमको सम्झौता गर्न नसकिने प्रमुख गुरागाईको भनाई छ । मालपोत कार्यालयमा सरोकारवालालाई मात्र प्रवेश दिन तथा बैंकको काउण्टर समेत कार्यालय भित्रै सञ्चालनमा ल्याउनुपर्ने भएको सरकारी निर्णय बुझिदिन लेखापढी व्यवसायीसँग उहाँले आग्रह गर्नुभयो ।

‘मैले विभागबाट आएको निर्देशनको कार्यान्वयन गराउनुको अर्को कुनै विकल्प नरहेकोले यसलाई यसै अर्थमा बुझ्नु पर्छ’, गुरागाईले भन्नुभयो ।

अहिलेको व्यवस्था अनुसार मालपोतमा कुनै पनि लिखितमा ऋणीले आफै लेखक भएर हस्ताक्षर गरेको वा निवेदकले आफ्नो निवेदन आफै लेखेर ल्याएमा त्यो कार्यान्वयन हुने जानकारी दिँदै मालपोत प्रमुखले त्यसमा लेखापढी व्यवसायीहरुले विवाद गर्नु तर्कसंगत नभएको बताउनुभयो ।

सप्तरीका प्रमुख जिल्ला अधिकारी सुरेन्द्र पौडेलले मालपोत कर्यालयबाट बिचौलियालाई हटाउने प्रक्रिया सुरु गरिएको जानकारी दिनुभयो । उहाँले सेवाग्राहीलाई छिटोछरितो सेवा प्रदान गर्न र बिचौलियबाट मुक्त गर्न मालपोत र नापी कार्यालयलाई व्यवस्थित गर्न लागिएको बताउनुभयो ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

शुभनारायण यादव

शुभनारायण यादव सप्तरीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्