नेपाल–बङ्ग्लादेश स्रष्टा सम्मेलन सम्पन्न

भदौ २८, २०७९ मंगलबार १६:७:२० | उज्यालो सहकर्मी

काठमाण्डाै – 'अभिव्यक्ति' द्वैमासिक साहित्यिक पत्रिकाको निमन्त्रणामा ६ दिने नेपाल भ्रमणमा आएका सात जना बङ्ग्लादेशी साहित्यकारको टोली हिजाे साेमवार स्वदेश फर्किएका छन् ।

बङ्ग्लादेश–नेपाल मैत्री समाजका अध्यक्ष लायन मोशियुर अहमदको नेतृत्वमा साहित्यकारहरू डा. अन्वारा शैयद हक, प्रा. डा. दिलारा हाफिज, मोहम्मद मोसियुर रहमान, प्रा. शेलीसेन गुप्ता, गायक काजलकुमार बेनर्जी र सल्लाउद्दीन कुटु नेपाल आएका थिए । उनीहरूले काठमाण्डाै, ललितपुर, भक्तपुर र पोखराका पर्यटकीय तथा ऐतिहासिक सम्पदाहरूको भ्रमण गर्नुका साथै शताब्दी पुरुष सत्यमोहन जोशीसँग पनि भेट गरेका थिए ।

उनीहरूको सम्मानमा काठमाण्डाैमा नेपाल–बङ्गलादेश स्रष्टा सम्मेलन समारोहको आयोजना गरिएको थियो । समारोहमा 'अभिव्यक्ति' साहित्यिक पत्रिकाका संस्थापक तथा संरक्षक नगेन्द्रराज शर्माले स्रष्टाहरूमा हुने गरेको आपसी भ्रमणले दुवै देशको साहित्य बलियो हुने बताउनुभयाे । उहाँले बङ्गलादेशका सातै जना स्रष्टालाई सम्मानपत्र पनि प्रदान गर्नुभएकाे थियाे ।

'अभिव्यक्ति' का प्रधान–सम्पादक पवन आलोकको सभापतित्वमा भएको कार्यक्रममा साहित्यकार रोचक घिमिरे, रामप्रसाद पन्त, प्रतीक ढकाल, प्रा. डा. लक्ष्मणप्रसाद गौतम, शङ्कर भारती, श्रीओम श्रेष्ठ 'रोदन' र यादव भट्टराईले नेपाल–बङ्गलादेशबीचको साहित्यिक तथा सांस्कृतिक सम्बन्धको बारेमा प्रकाश पारेका थिए । कवि उमेश राई अकिञ्चनले कविता वाचन गरेका थिए ।

बङ्ग्लादेशका मोशियुर अहमद, सलाउद्दीन कुटुले नेपाल प्राकृतिक रूपले मात्र नभएर सांस्कृतिक र साहित्यिक दृष्टिले पनि महत्त्वपूर्ण भएको विचार व्यक्त गरेका थिए । त्यस अवसरमा प्रसिद्ध गायक काजलकुमार मुखर्जीले रवीन्द्रनाथ ठाकुरको प्रसिद्ध गीत 'एक्ला चलो ...' गाउनुभएकाे थियाे ।

बङ्ग्लादेशी स्रष्टाहरूको सम्मानमा ललितपुर, भक्तपुर, पोखरामा पनि विभिन्न कार्यक्रमको आयोजना गरिएकाे थियाे ।

अन्तिम अपडेट: मंसिर १८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्