मन्त्री कुँवर र साउदीका राजदूत हैमदबीच भेट, नेपालीले भोग्न परेको समस्या समाधान गर्ने प्रतिबद्धता

भदौ ३१, २०७९ शुक्रबार १५:१४:३ | उज्यालो सहकर्मी

काठमाण्डौ – श्रम, रोजगार तथा सामाजिक सुरक्षा मन्त्री शेरबहादुर कुँवर र नेपालका लागि साउदी अरेबियाका राजदूत साद नासेर अब्दुल्ला अबु हैमदबीच भेटवार्ता भएको छ ।

श्रम मन्त्री कुँवर र राजदूत हैमदबीच शुक्रबार श्रम मन्त्रालयमै भेटवार्ता भएको हो ।

भेटमा साउदीमा काम गर्ने नेपाली श्रमिकको सुरक्षाका विषयमा छलफल भएको श्रम मन्त्रालयले जनाएको छ । श्रम मन्त्री कुँवरले साउदीमा काम गर्न जाने नेपालीको समस्या समाधान र उनीहरूको सुरक्षाका लागि सहकार्य गर्नु पर्नेमा जोड दिनु भएको थियो ।

यस्तै मन्त्री कुँवरले नेपालबाट साउदीमा सीपयुक्त जनशक्ति पठाउनका लागि त्यहाँको सरकारले पनि सहयोग गर्नु पर्नेमा जोड दिनुभएको छ ।

यसका साथै साउदीमा काम गर्ने नेपाली श्रमिकलाई त्यहाँको सरकारले रोजगारको अवधि सकिएपछि बहिर्गमन भिसा समयमै नदिँदा नेपालीले समस्या भोग्न परेको विषय पनि उजागर गर्दै मन्त्री कुँवरले यस विषयमा विशेष सहयोग गरिदिन आग्रहसमेत गर्नु भएको छ ।

राजदूत हैमदले नेपाल र साउदी अरेबियाको सम्बन्ध मैत्रीपूर्ण भएकाले नेपाली श्रमिकले भोग्ने गरेका समस्या समाधानका लागि आफूले सक्दो पहल गर्ने प्रतिबद्धता जनाउनुभएको छ ।

अन्तिम अपडेट: पुस ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

मन्त्री कुँवर र साउदीका राजदूत हैमदबीच भेट, नेपालीले भोग्न परेको समस्या समाधान गर्ने प्रतिबद्धता

तस्बिर : मन्त्रीको सचिवालय

तपाईको प्रतिक्रिया