सप्तरीमा सर्पको टोकाइबाट पीडित हुनेहरुको संख्या बढ्यो

असोज १५, २०७५ सोमबार ८:४०:१७ | शुभनारायण यादव

सप्तरी – बढ्दो गर्मीका कारण सप्तरी जिल्लामा सर्पको टोकाइबाट पीडित हुनेहरुको संख्यामा वृद्धि भएको छ ।

गएको वैशाखदेखि अहिलेसम्म राजविराजको गजेन्द्रनारायण सिंह सगरमाथा अञ्चल अस्पतालमा मात्रै सर्पदंशबाट सिकिस्त उपचार गराउन आउनेहरुको संख्या ५ सय ३७ पुगेको छ । अस्पतालको आकस्मिक शाखा इञ्चार्ज धनेश्वर साहका अनुसार वैशाखमा ३७ जना, जेठमा ९१ जना, असारमा १ सय ४२ जना, साउनमा १ सय ४० जना, भदौमा ९१ जना र असोजमा ३६ जना सर्पको टोकाइबाट विरामी भएर सेवा लिन आएका छन् ।

अस्पताल भर्ना भएकाहरुमध्ये ७ जनालाई गोमन, करेँतलगायत विषालु सर्पले टोकेको इञ्चार्ज साहले जानकारी दिनुभयो । सर्पले टोके लगत्तै अस्पताल भर्ना भएकाहरुको उपचार गरी सकुशल घर पठाएको जानकारी दिँदै उहाँले भन्नुभयो ‘समयमै अस्पताल आएकाहरुलाई हामीले बँचाएका छाैँ, तर धेरै विलम्ब गरी अन्तिम अवस्थामा ल्याइएका पीडितहरुलाई जोगाउन गाह्रो हुन्छ ।’

अहिले अस्पतालमा सर्पको टोकाई विरुद्ध दिइने एन्टिस्नेक भेनम इन्जेक्सन पर्याप्त मात्रामा रहेको उहाँले जानकारी दिनुभयो । अस्पतालमा बिरामीको संख्या बढेपछि भुईंमै बसेर विरामीको उपचार गराउन बाध्य छन् ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

शुभनारायण यादव

शुभनारायण यादव सप्तरीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्