कर्णाली करिडोर अझै खुलेन, लुसा गाउँ पहिरोको उच्च जोखिममा

कात्तिक ११, २०७९ शुक्रबार २०:१८:३२ | मनिराज पाण्डे

कालीकाेट – कर्णाली करिडोर नखुल्दा स्थानीयवासी समस्यामा परेका छन् । कर्णाली राजमार्गबाट छुट्टिएर बाजुरा हुँदै हुम्लाको सिमाना सल्लीसल्लासम्म ट्र्याक खुला भएको कर्णाली करिडोर गएको असोज १९ गतेदेखि पूर्णरूपमा बन्द हुँदा स्थानीयवासी समस्यामा परेका हुन् ।

कालीकोटका पाँच वटा पालिकासहित बाजुराको कोल्टी, मुगुको पश्चिम भेग र हुम्लाको पश्चिम भेग जोड्ने कर्णाली काेरिडोरमा गाडी नचल्दा यात्रु पिठ्युमा भारी बोकेर पैदल हिँड्न बाध्य छन् । करिडोर अन्तर्गत पर्ने फुगाडा खोलाको बेलिब्रिज दुई वर्षअघि बाढीले बगाएकाले पैदल आउजाउ गर्नेलाई समेत कठिन भएको पलाँता गाउँपालिका अध्यक्ष विष्णुबहादुर रोकायाले बताउनुभयो ।

सान्नी त्रिवेणी गाउँपालिका वडा नम्बर १ को लुसा गाउँबाट निरन्तर दबदबे हिलोसहितको पहिरो बगिरहेकाले कर्णाली करिडोर खुलाउन कठिनाइ भएको प्रमुख जिल्ला अधिकारी रामहरि शर्माले बताउनुभयो । पहिरोका कारण लुसा गाउँसमेत उच्च जोखिममा छ ।

अन्तिम अपडेट: मंसिर २४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

मनिराज पाण्डे

कालिकोटका पत्रकार मनिराज पाण्डे उज्यालोका जिल्ला सम्वाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्