गुराँसे टि स्टेटमा मजदुर आन्दोलन : एक पक्षले ताला लगाउने, अर्कोले खोल्ने

असोज १७, २०७५ बुधबार १९:२८:३६ | सन्ताेष रुचाल

धनकुटा – हिलेमा रहेको गुराँसे टि स्टेटमा एक पक्षका मजदुरहरुले लगाएको ताला अर्को पक्षका मजदुरले केही समयमा नै तोडेका छन् ।

उद्योगले ज्यालादारी मजदुरलाई एक पक्षीय ढंगले कामबाट निकालेको भन्दै पुनर्बहालीको माग गर्दै अखिल नेपाल चिया मजदुर संघले बुधबार लगाएको ताला

उद्योगमा मासिक तलबमा काम गर्ने मजदुरले आफूहरुसँग कुनै सल्लाह नगरी तालाबन्दी गरिएको भन्दै तोडेका हुन् ।

उद्योगभित्र रहेका मजदुरले ताला तोडेका हुन् । ताला तोडेपछि उनीहरुले काम सुरु हुने बताएका छन् । ज्यालादारी मजदुरले काम गरे अनुसारको ज्याला पाइसकेको र आफूहरुले केही महिनादेखि तलब नपाएको र दसैँमा सबै रोकिएको तलब पाउने आशामा काम गरिरहेकोले काम कुनै हालतमा नरोक्ने उद्योगमा मासिक तलबमा काम गरिरहेका आशिष राउतले बताउनुभयो ।

मासिक तलबमा काम गर्ने मजदुरले राजनीतिक आरोप प्रत्यारोपबाट प्रभावित भएर ताला लगाइएको आरोप समेत लगाएका छन् ।

यता अखिल नेपाल चिया मजदुर संघ इकाई अध्यक्ष निर्मला तामाङले सरकारले दैनिक ज्याला ३ सय ८५ रुपैयाँ तोकेको भए पनि २ सय ५३ रुपैयाँ दिएर कामबाट निकालेको र पटक–पटक पुनर्बहालीको माग गर्दा पनि सुनुवाइ नभएपछि बाध्य भएर आन्दोलनमा उत्रनु परेको बताउनुभयो । यस्तै अखिल नेपाल चिया मजदुर संघ जिल्ला अध्यक्ष नारायण तामाङले मजदुरको पुनर्बहाली र गएको साउन ३१ बाट लागू भएको श्रम ऐन कार्यान्वयन नभएसम्म आन्दोलन जारी रहने मजदुरहरुले बताएका छन् ।

यता गुराँसे टि स्टेट प्रालिका व्यवस्थापक नवीन कार्कीले सबैको सहमतिमा गएको भदौ ६ र ७ मा काम गरिएको तलब निकाशा गरी ठेक्का प्रणालीमा काम सुरु गरिएको र त्यसको केही दिनपछि मजदुरले आन्दोलन सुरु गरेको प्रतिक्रिया दिनुभयो ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सन्ताेष रुचाल

रुचाल धनकुटाका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्