दूध ढुवानीका लागि आफूले प्रयोग गर्दै आएको गाडी दिने प्रमुख प्रशासकीय अधिकृत

मंसिर १९, २०७९ सोमबार १९:४१:५८ | श्यामशितल परियार

लमजुङ – लमजुङको राइनास नगरपालिकाका प्रमुख प्रशासकीय अधिकृत गोकर्णराज सुयलले आफूले प्रयोग गर्दै आएको गाडी दूध ढुवानीका लागि उपलब्ध गराउनुभएको छ ।

गाडीकाे अभावमा स्थानीय किसानलाई घरदेखि चिस्यान केन्द्रसम्म दूध ढुवानी गर्न समस्या भएकोले उनीहरूकाे सहजताका लागि आफूले प्रयोग गर्ने गाडी उपलब्ध गराएको प्रमुख प्रशासकीय अधिकृत सुयलले बताउनुभयो । ‘सवारी साधन नभएकाले समयमा ढूध ढुवानी गर्न नसक्दा सङ्कलन तथा वितरणमा थप समस्या भएको कारण गाडी उपलब्ध गराइएको हो’, उहाँले भन्नुभयो ।

नेपाल सरकारको पूर्ण स्वामित्वमा रहेको दुग्ध विकास संस्थान काठमाण्डाै दुग्ध वितरण आयोजनाअन्तर्गत राइनास ५ काे तीनपिप्लेमा २०७८ मा राइनास दूध चिस्यान केन्द्र स्थापना भएको हो । केन्द्र स्थापनासँगै गाईपालनमा किसानको आकर्षण बढ्दै गएको छ । अहिले नगर क्षेत्रमा झन्डै दुई सय सङ्ख्याको हाराहारीमा दूधालु गाई पालिएका प्रमुख प्रशासकीय अधिकृत सुयलले उहाँले बताउनुभयो ।

यस केन्द्रमा अहिले राइनास क्षेत्रको बोराङखोला, साँहिलीटार, हर्राबोट, धमिलिकुवा लगायतका ठाउँका दूध दैनिकरूपमा आउने गरेकाे छ । केन्द्रमा अहिले दैनिक झन्डै एक हजार लिटर दूध सङ्कलन हुँदै आएको छ । यहाँ सङ्कलित दूध दुग्ध विकास संस्थानले तीन/तीन दिनको अवधिमा काठमाण्डाै लैजाने गर्दछ । संस्थाले उत्पादित, सङ्कलित दूधको बजारीकरण गर्दै आएको छ ।

नगरपालिकाले किसानको हौसलाका लागि प्रतिलिटरमा तीन रुपैयाँका दरले उत्पादनमा आधारित अनुदान उपलब्ध गराएकाे छ । पशुपालनमा किसानको आकर्षण बढाउने, दूध उत्पादनका साथै बजारीकरण गरि किसानको आयस्तर बढाउने नगरपालिकाको उद्देश्य रहेको र त्यहीअनुसार विभिन्न सहयोगका कार्यक्रम सञ्चालन हुँदै आएको नगरपालिकाले जनाएको छ ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

श्यामशितल परियार

श्यामशितल परियार उज्यालोकाे लमजुङ र मनाङ जिल्ला सम्वाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्