नेपाल नामिबियासँग ८६ रनले पराजित

मंसिर २१, २०७९ बुधबार २१:५४:४३ | उज्यालो सहकर्मी

काठमाण्डौ - आईसीसी विश्व कप क्रिकेट लिग–२ अन्तर्गत त्रिदेशीय एकदिवसीय शृङ्खलामा नेपाल नामिबियासँग पराजित भएको छ । नामिबियाको युनाइटेड क्रिकेट ग्राउन्डमा आज बुधवार भएको खेलमा नेपाल आयोजक नामिबियासँग ८६ रनले पराजित भयो ।

नामिबियाले दिएको दुई सय ७६ रनको लक्ष्य पछ्याएको नेपाल ४६ ओभर ५ बलमा एक सय ८९ रन बनाउँदा अलआउट भयो । नेपालका लागि कप्तान रोहितकुमार पौडेलले ४४, दीपेन्द्रसिंह ऐरीले ३४, ज्ञानेन्द्र मल्लले ३० र अर्जुन साउदले २९ रन बनाए । नामिबियाका लागि टाङ्गेनी लुङ्गामेनी, जेजे स्मिथ र नफिदी या फ्रान्सले दुई/दुई विकेट लिए ।

त्यसअघि टस हारेर पहिले ब्याटिङको निम्तो पाएको नामिबियाले निर्धारित ५० ओभरमा सात विकेट गुमाउँदै दुई सय ७५ रन बनाएको थियोे । नामिबियाका लागि माइकल भान लिन्गेनले शतकीय पारी खेले । उनले एक सय ११ बलमा १५ चाैका र एक छक्का प्रहार गर्दै एक सय १९ रन बनाए । यस्तै गेरहार्ड इरासमसले ५३ र जान निकाेल लाेफ्टी एटनले ४० रन बनाए । बलिङतर्फ नेपालका ललित राजवंशीले चार विकेट लिए । यस्तै साेमपाल कामीले दुई विकेट लिए ।

यो शृङ्खलामा नेपाल, नामिबिया र स्कटल्यान्डको सहभागिता रहेको छ । यो जितसँगै नामिबिया ३० खेलमा ३७ अङ्कका साथ तेस्रो स्थानमा रहेको छ । नेपाल २३ खेलमा १८ अङ्कसहित छैटौँ स्थानमा रहेको छ । यस शृङ्खलामा नेपालले आफ्नो अन्तिम खेल भोलि बिहीवार स्कटल्यान्डसँग खेल्नेछ ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

नेपाल नामिबियासँग ८६ रनले पराजित

खेलपछि प्रतिक्रिया दिँदै नेपालका कप्तान रोहित पौडेल। तस्बिर : क्यान

तपाईको प्रतिक्रिया