वैदेशिक रोजगारीमा ज्यान गुमाउने नेपाली श्रमिककाे संख्या बढ्दाे, मधेश प्रदेशका धेरै

पुष ४, २०७९ सोमबार १३:३९:४२ | उज्यालो सहकर्मी

काठमाण्डौ – वैदेशिक रोजगारीका क्रममा पछिल्लो तीन वर्षमा ३ हजार १९९ नेपाली श्रमिकले गन्तव्य देशमै ज्यान गुमाएका छन् ।

वैदेशिक रोजगारीको लागि विश्वका विभिन्न देशमा पुगेका नेपाली श्रमिकहरुले ज्यान गुमाउने क्रम बढीरहेको एक तथ्यांकले देखाएको छ । श्रम, रोजगार तथा सामाजिक सुरक्षा मन्त्रालयले हिजो सार्वजनिक गरेको ‘नेपाल श्रम आप्रवासन प्रतिवेदन-२०२२’ का अनुसार आर्थिक वर्ष २०१९/०२० मा ६५८ श्रमिकले ज्यान गुमाएकोमा आर्थिक वर्ष २०२०/०२१ मा एक हजार ११८ जनाले ज्यान गुमाएका छन् । यस्तै यो संख्या बढेर आर्थिक वर्ष २०२१/०२२ मा एक हजार ३९५ पुगेको छ ।

यसरी वैदेशिक रोजगारीका क्रममा ज्यान गुमााउने नेपाली श्रमिकमध्ये सबैभन्दा धेरै मधेश प्रदेशको रहेको पनि तथ्यांकले देखाएको छ । गएको तीन वर्षमा मधेशका ७ सय ५१ श्रमिकले गन्तव्य देशमै आफ्नो ज्यान गुमाएका छन् । यस्तै दोस्रो धेरैमा प्रदेश एक रहेको छ । तीन वर्षमा प्रदेश एकका ७ सय ९ जना श्रमिकले ज्यान गुमाए । यस्तै त्यही अवधिमा लुम्बिनी प्रदेशका ६ सय ६८ र गण्डकी प्रदेशका ४ सय ७८ श्रमिकले विदेशमा ज्यान गुमाएका छन् ।

यस्तै वाग्मती प्रदेशका ४ सय ९, कर्णाली प्रदेशका एक सय १० र सुदूरपश्चिम प्रदेशका ६५ श्रमिकले गन्तव्य देशमै ज्यान गुमाएको प्रतिवेदनले देखाएको छ ।

वैदेशिक रोजगारीमा धेरै जाने प्रदेशमा पनि मधेश पहिलो नम्बरमा पर्छ । गएको तीन वर्षमा जम्मा वैदेशिक रोजगारीमा गएकामध्ये मधेशबाट मात्रै २८.६८ प्रतिशत रहेका छन् । यस्तै प्रदेश एकबाट २०.२४ र लुम्बिनी प्रदेशबाट १६.८२ प्रतिशत रहेको प्रतिवेदनमा उल्लेख छ ।

वाग्मती प्रदेशबाट वैदेशिक रोजगारीमा जानेमा १५.४८ प्रतिशत, गण्डकी प्रदेशबाट १२.१९ प्रतिशत रहेका छन् । यस्तै कर्णाली प्रदेशबाट ३.८५ र सुपबाट २.७३ प्रतिशत रहेका छन् ।

'नेपाल श्रम आप्रवासन प्रतिवेदन-२०२२' सार्वजनिक, कतार प्रमुख श्रम गन्तव्य

अन्तिम अपडेट: पुस ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

वैदेशिक रोजगारीमा ज्यान गुमाउने नेपाली श्रमिककाे संख्या बढ्दाे, मधेश प्रदेशका धेरै

फाइल तस्बिर

तपाईको प्रतिक्रिया