मोदीबारे बीबीसीले बनाएको वृत्तचित्र यूट्यूब र ट्वीटरमा ब्लक गर्न भारत सरकारको आदेश

माघ ८, २०७९ आइतबार १८:११:३ | एजेन्सी

भारतको सूचना र प्रसारण मन्त्रालयले प्रधानमन्त्री नरेन्द्र मोदीमाथि बीबीसीले बनाएको वृत्तचित्रलाई यूट्यूब र ट्वीटरमा ब्लक गर्न आदेश दिएको छ ।

बीबीसीले भारतमा वृत्तचित्र प्रसारण नगरेको भए पनि केही यूट्यूब च्यानलमा भिडियो अपलोड गरेपछि भारत सरकारले ब्लक गर्न निर्देशन दिएको हो ।

साथै, मन्त्रालयले भिडिओको लिंक शेयर गर्ने झण्डै ५० वटा ट्विटर पोस्टहरूलाई पनि हटाउन निर्देशन दिएको बीबीसी हिन्दीले जनाएको छ । मन्त्रालयका सचिव अपूर्व चन्द्रले आइटी नियम २०२१ अन्तर्गत आदेश दिनुभएको हो ।

भारतका प्रधानमन्त्री नरेन्द्र मोदीको बारेमा बनाइएको बीबीसीको वृत्तचित्र भारतमा अरु माध्ययमबाट प्रसारणमा पनि भारत सरकारले रोक लगाएको छ ।

वृत्तचित्रले सन् २००२ मा गुजरात भएको दगामा प्रधानमन्त्री मोदीको नेतृत्वमा प्रश्न उठाएको छ । वृत्तचित्रको कुनैपनि क्लिप सामाजिक सञ्जालमा समेत सेयर गर्न प्रतिबन्ध लगाइएको बीबीसीले जनाएको छ ।

मोदी पश्चिमी राज्य गुजरातको मुख्यमन्त्री भएको बेला त्यहाँ साम्प्रदायिक दंगा भएको थियो । दंगामा सरकारी गणनाअनुसार एक हजारभन्दा बढी व्यक्तिको ज्यान गएको थियो । ज्यान गुमाउने धेरैजसो मुस्लिम थिए ।

हिन्दू तीर्थयात्री बोकेको रेलमा आगलागी हुँदा ५९ जनाको ज्यान गएपछि हिंसा भड्किएको थियो ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

मोदीबारे बीबीसीले बनाएको वृत्तचित्र यूट्यूब र ट्वीटरमा ब्लक गर्न भारत सरकारको आदेश

फाइल तस्बिर

तपाईको प्रतिक्रिया