विश्वकपको समयमा कतारको हाया कार्ड लिएकाहरू अर्को वर्षको माघसम्म निःशुल्क कतार आउजाउ गर्न पाउने

माघ १८, २०७९ बुधबार १२:१८:५ | उज्यालो सहकर्मी

कतार – कतारले हाया कार्डको वैधताको अवधि बढाएको छ । फिफा विश्वकप फुटबलको समयमा विदेशी नागरिकलाई कतार प्रवेश गर्न प्रदान गरिएको हाया कार्डको अवधि बढाइएको कतारको आन्तरिक मामिला मन्त्रालयले जनाएको छ ।

गएको मङ्सिर ४ गतेदेखि कतारमा भएका विश्वकप अवधिभरका लागि कतार प्रवेशका लागि जारी गरिएको हाया कार्डको वैधताको अवधि २०२४ जनवरी २४ अर्थात् आउँदो वर्ष २०८० सालको माघ १० गतेसम्म कायम गरिएको हो । कतारको आन्तरिक मन्त्रालयले आफ्नो आधिकारिक ट्विटर ह्यान्डलमार्फत यो सूचना जारी गरेको छ ।

विश्वकपको समयमा लिएको हाया कार्ड भनेको कतारको भिसा वा प्रवेश अनुमति पत्र हो । यो कार्ड भएकाहरूलाई अर्को वर्षको माघ १० गतेसम्म जति पटक कतार जाँदा र फर्कँदा कुनै शुल्क लाग्ने छैन । यसका साथै हाया कार्डको प्रयोग गरी समुद्री पोर्टमार्फत समेत आवतजावत गर्न सकिने छ ।

यो कार्ड लिएका विदेशी नागरिकले फेरि कतार प्रवेश गर्न चाहेमा अब होटल तथा बस्ने खाने व्यवस्था गरेको प्रमाण साथमा हुनुपर्छ भने परिवारका सदस्य वा साथी लैजान परेमा भने त्यसको जानकारी कतारको सम्बन्धित निकायलाई जानकारी गराउन पर्ने छ ।

हाया कार्ड हुनेहरूको राहदानीको अवधि दिन महिनाभन्दा बढीको हुनु पर्छ भने कतार बस्दासम्मका लागि जीवन बिमा गरेको हुनुपर्छ ।

साथमा स्वदेश फर्कने टिकट पनि हुनुपर्छ । हाया कार्ड भएकाहरूले तीन जनासम्म परिवारका सदस्यहरूलाई कतार घुम्न बोलाउन सक्नेछन् ।

अन्तिम अपडेट: पुस ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्