वैदेशिक रोजगारी : रेमिट्यान्स लागत घटाउनेदेखि शव परीक्षण गर्नेलगायत विषयमा आयोगको ५८ बुँदे सिफारिस

चैत ३०, २०७९ बिहीबार १५:१५:१२ | उज्यालो सहकर्मी

काठमाण्डौ – राष्ट्रिय मानव अधिकार आयोगले वैदेशिक रोजगारीमा रहेका श्रमिकहरुको मानव अधिकार संरक्षण सम्बन्धमा नेपाल सरकारलाई सिफारिस गरेको छ ।

आयोगले विगत तीन वर्षको अवधिका सूचना, तथ्याङ्क एवम् अध्ययन, अनुसन्धानका आधारमा ‘आप्रवासी नेपाली श्रमिकहरुको मानवअधिकार अवस्था प्रतिवेदन, २०७९’ प्रकाशन गरेको थियो । त्यस प्रतिवेदनमा उल्लेखित सिफारिस कार्यान्वयनको लागि नेपाल सरकार प्रधानमन्त्री तथा मन्त्रिपरिषद्को कार्यालयलाई पत्राचार गरेको आयोगले जनाएको छ ।

वैदेशिक रोजगारीमा रहेका श्रमिक र उनका परिवारसँग सम्बन्धित समस्या समाधानको लागि आयोगले सरकारलाई ५८ वटा बुँदासहित सिफारिस गरेको हो । जसमा रेमिट्यान्स लागत घटाउनदेखि विदेशमा ज्यान गुमाएका नेपाली श्रमिकको शव ‘पोष्टमार्टम’ गर्नुपर्ने लगायत विषय समेटिएका छन् । गन्तव्य देशबाट नेपालमा विप्रेषण पठाउँदा दक्षिण एशियाली अन्य देशहरु भन्दा नेपालमा पठाउन बढी लागत रहेकोले त्यो लागतलाई घटाउन सिफारिस गरिएको हो ।

नेपाली श्रमिकहरुको मृत्युको कारण शव परीक्षण ‘पोष्टमार्टम’बाट स्वतन्त्ररुपमा पुष्टि गर्ने विषयमा सर्वोच्च अदालतको आदेशलाई कार्यान्वयन गर्न पनि जोड दिएको छ ।

यस्तै, आप्रवासी श्रमिकको भर्ना प्रक्रियालाई संस्थागत गरि जिम्मेवार बनाउने, गन्तव्य देश र स्वदेशमै पनि श्रमिकहरुको न्यायमा पहुँच बढाउने, द्रूत उद्धार, सम्मानजनक फिर्ती र दिगो पुनःएकीकरण सुनिश्चित गर्ने लगायत विषयहरु समेटिएका छन् ।

यस्तै मतदान अधिकार, महिला आप्रवासी श्रमिकहरुको जोखिम न्युनीकरण गर्ने, आप्रवासी श्रमिकका सन्तानलाई बालअधिकार ऐन, वैदेशिक रोजगार नीति र विकासका सवालहरुमा समावेश गर्ने, आप्रवासी श्रमिक र तिनका परिवारका सदस्यहरूको बाँच्न पाउने अधिकार र स्वास्थ्यको अधिकार सुनिश्चित गर्ने, र आप्रवासन सुशासन सुनिश्चित गर्ने विषयमा आयोगले सिफारिस गरेको हो ।

आयोगले गरेको सिफारिस विस्तृतमा हेर्नुस् :

अन्तिम अपडेट: पुस ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्