सप्तरीमा बस दुर्घटना : सहचालकको मृत्यु, आठ जना घाइते

कात्तिक ५, २०७५ सोमबार १७:३४:३९ | शुभनारायण यादव

सप्तरी – पूर्व–पश्चिम राजमार्ग अन्तर्गत सप्तरीको देवधार चौकमा सोमबार भएको मिनी बस दुर्घटनामा परि एक जनाको मृत्यु भएको छ भने ८ जना घाइते भएका छन् ।

सुनसरीको चतराबाट काठमाडौंतर्फ गइरहेको बा ४ ख ४४७० नम्बरको यात्रुबाहक मिनी बस दुर्घटनामा परि काभ्रे निवासी अन्दाजी ४५ वर्षीय दिपक राईको मृत्यु भएको हो । सिरहाको लाहानमा रहेको सप्तऋषि अस्पतालमा उपचारको क्रममा राईको मृत्यु भएको इलाका प्रहरी कार्यालय कल्याणपुरले जनाएको छ ।

दुर्घटनामा परि घाइते हुनेहरुमा सुनसरीको बराहक्षेत्र नगरपालिका– ३ का ३१ वर्षीय सन्तोष लिम्बू, वडा नम्बर १ की २७ वर्षीया दिपा श्रेष्ठ, वडा नम्वर ६ का ३५ वर्षीय गोपाल दाहाल, ३० वर्षीया लीला दाहाल, २ वर्षीया बालिका सिजु दाहाल, वडा नम्वर ७ की ५४ वर्षीया जानुका बास्तोला, खोटाङको ससनेत गाउँपालिका–१ की ३४ वर्षीया सीता राउत र भोजपुरको हनुवागढी गाउँपालिका–२ का २४ वर्षीया तारा कार्की रहेका छन् । घाइतेहरुको जिल्लाको खडक नगरपालिकाको खर्चुहियामा रहेको इन्द्रेणी पोलिक्लिनिकमा उपचार भैरहेको प्रहरीले जनाएको छ ।

क्षमताभन्दा बढी यात्रु बोकेको त्यो मिनीबसका चालकले ओभरटेक गर्ने क्रममा नियन्त्रण बाहिर गई दुर्घटना भएको बसमा सवार यात्रुहरुले बताएका छन् ।

बसका चालकलाई इलाका प्रहरी कार्यालय कल्याणपुरले नियन्त्रणमा लिएको जिल्ला प्रहरी कार्यालय सप्तरीका प्रवक्ता एवं प्रहरी नायव उपरीक्षक भावेश रिमालले जानकारी दिनुभयो ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

शुभनारायण यादव

शुभनारायण यादव सप्तरीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्