किशाेरी बलात्कारकाे अाराेपमा सप्तरीमा एक युवक पक्राउ

कात्तिक ६, २०७५ मंगलबार १६:३५:१६ | शुभनारायण यादव

सप्तरी – सप्तरीमा पुनः एक जना किशोरी बलात्कृत भएकी छन् ।

खड्ग नगरपालिका –९, लालपट्टी बस्ने किशोरीलाई त्यसै ठाउँका युवकले आफ्नै घरमा लगी बलात्कार गरेका हुन् ।

१५ वर्षकी किशोरीसँग जबर्जस्ती यौन सम्पर्कको आरोपमा अनुसन्धान गर्न ३५ वर्षीय दीलिपकुमार दासलाई प्रहरीले पक्राउ गरेको छ ।

आइतबार राति किशोरीसँग जबर्जस्ती गरेका दासलाई पक्राउ गरिएको जिल्ला प्रहरी कार्यालय सप्तरीका प्रवक्ता एवं डीएसपी भावेश रिमालले जानकारी दिनुभयो । यता पक्राउ परेका दासलार्ई नियन्त्रणमा लिई आवश्यक अनुसन्धान गरिरहेको डीएसपी रिमाललकोे भनाइ छ ।

यसअघि २६ असोजमा १६ वर्षकी एक किशोरीसँग बलजफ्ती यौनसम्पर्क गर्ने एक युवक पक्राउ परिसकेका छन् । जिल्लाको डाक्नेश्वरी नगरपालिका –२, बस्ने किशोरीलाई मुखमा रुमालले बाँधी बलात्कार गर्ने त्यसै ठाउँका २२ वर्षका ओमप्रकाश साहलाई पक्राउ गरिएको थियो ।

रातिको समयमा पिसाब फेर्न घर नजिकै सडक बाटोमा गइरहेको मौका छोपी साहले किशोरीको मुखमा रुमालले बाँधेर काँधमा बोकी आफू सुत्ने कोठामा लगेर करणी गरेका थिए ।

यसअघि असोजको दोस्रो साता डाक्नेश्वरी नगरपालिकामै बालिकाको र खड्ग नगरपालिकामा ७१ वर्षकी बृद्वासँग बलात्कार भएको थियो ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

शुभनारायण यादव

शुभनारायण यादव सप्तरीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्