रुकुममा लोप हुँदै परम्परागत बाँसका डोका

कात्तिक ७, २०७५ बुधबार १४:१८:५९ | राजु लामिछाने

रुकुम पश्चिम – बाँसको चोया बुनेर तयार पारिने डोकाको प्रयोग कम हुँदै जान थालेको छ ।

स्थानीय स्रोत साधनको प्रयोगबाट स्थानीय स्तरमै उत्पादन हुने बाँसका डोकाहरुको प्रयोग कम हुँदा लोप हुने अवस्थामा रहेका छन् ।

गाउँघरमा कुनै बेला दाउरा, घाँस ओसार्न तथा खेतबारीमा मल बोक्नका लागि निकै प्रयोग हुने डोकाको माग बिस्तारै कम हुँदै गएको छ । सडक बिस्तारसँगै ट्याक्टर लगायतका अन्य साधन प्रयोग हुन थालेपछि रुकुमका गाँउमा पहिले अधिक मात्रामा प्रयोग हुने बाँसका डोकाको माग कम हुँदै गएको हो ।

डोकाको बिक्री कम हुन थालेपछि बाँसको डोका बुनेर र बेचेर आम्दानी गर्दै आएका स्थानीयहरु भने रोजीरोटीको चिन्तामा छन् ।

गएका वर्षहरुमा एउटा डोका ४ सयदेखि ७ सयसम्ममा बिक्री हुने गरे पनि हिजोआज २ देखि ३ सयमा मात्र बिक्री गर्नुपरेको रुकुम पश्चिम त्रिवेणी गाँउपालिका–१०, का स्थानीय हिरालाल वलीले बताउनुभयो ।

उहाँका अनुसार बुनेका डोकाहरु फाट्ट–फुट्ट मात्रै बिक्री हुने गर्दछन् ।

बाँसको चोयाबाट तयार गरिने डोका रुकुमका ग्रामीण क्षेत्रमा केही मात्रामा अझै भेटिन्छन् । स्थानीय उत्पादनको सदुपयोग र संरक्षण गरी बजारीकरण गर्नका लागि वातावरण बनाइदिन स्थानीय सरकारलाई स्थानीयले अनुरोध गरेका छन् ।

कम लगानी र श्रमबाट पनि तयार हुन सक्ने यस्ता उत्पादनलाई संरक्षण र संवद्र्धन गरी बजारीकरण गर्नसके स्थानीय उत्पादनको प्रवद्र्धन र स्वरोजगार सिर्जना हुने देखिन्छ ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

राजु लामिछाने

राजु लामिछाने रुकुमका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्